Isa 700, the independent auditor’s report on general purpose financial statements

Кучга кириш санаси

4. Ушбу АХС 2009 йилнинг 15 декабридан ёки ушбу санадан кейин бошланадиган даврлар учун молиявий ҳисоботлар аудитига нисбатан кучга киради.

Мақсади

5. Аудитнинг Халқаро Стандартларини махсус мақсадли асосга мувофиқ тайёрланган молиявий ҳисоботлар аудитига нисбатан қўллашда аудиторнинг мақсадлари қуйидаги ҳолларда долзарб аҳамият касб этадиган махсус масалаларни тегишли равишда ҳисобга олишдан иборатдир:
(a) Келишувни қабул қилишда;
(б) Мазкур келишувни режалаштириш ва бажаришда; ва
(в) Аудитор фикр ҳосил қилиши ва ҳисобот (хулоса) тақдим этишда.

Таърифлар

6. Аудитнинг Халқаро Стандартларида қўлланиладиган атамалар қуйида кўрсатилган маъноларга эга:
(a) Махсус мақсадли молиявий ҳисоботлар – Махсус мақсадли асосга мувофиқ тайёрланган молиявий ҳисоботлар. (A4 бандга қаранг)
(б) Махсус мақсадли асос – Муайян фойдаланувчиларнинг молиявий маълумотларга бўлган талабларини қондириш учун мўлжалланган молиявий ҳисоботларни тақдим этиш асоси. Молиявий ҳисоботни тақдим этиш асоси – молиявий ҳисоботни ҳаққоний тақдим этиш асоси ёки мувофиқлик асоси бўлиши мумкин.² (А1-А4 бандларига қаранг)
7. Ушбу АХСда “молиявий ҳисоботлар”га ҳавола “махсус мақсадли молиявий ҳисоботларнинг тўлиқ тўплами, шу жумладан илова қилинаётган изоҳлар”ни англатади. Илова қилинадиган изоҳларда, қоида тариқасида, ҳисоб сиёсатининг асосий қоидалари ва бошқа шарҳловчи маълумотлар акс эттирилади. Молиявий ҳисоботларни тақдим этиш учун қўлланиладиган асос и талабларида молиявий ҳисоботлар шакли ва мазмуни ҳамда молиявий ҳисоботларнинг тўлиқ тўплами таркибига нима кириши лозимлиги ифодаланади.

Талаблар

Келишувни қабул қилишда кўриб чиқиладиган масалалар

Молиявий ҳисоботлар тақдим этиш асосининг мақбуллиги

8. АХС 210 аудитор молиявий ҳисоботларни тайёрлашда қўлланиладиган молиявий ҳисоботларни тақдим этиш асосининг мақбуллигини аниқлашини талаб қилади.³ Махсус мақсадли молиявий ҳисоботлар аудитини ўтказиш жараёнида аудитор қуйидагилар ҳақида тасаввур ҳосил қилиши лозим: (А5-А8 бандларига қаранг)

1. 
   Молиявий ҳисоботларни тайёрлаш мақсади;
   
2. 
   Назарда тутилаётган фойдаланувчилар; ва
   
3. 
   Тадбиркорлик субъекти раҳбарияти молиявий ҳисоботларни тақдим этиш учун қўлланиладиган асоси мазкур вазиятда мақбул ёки мақбул эмаслигини аниқлаш учун кўрган чоралар.