Isa 700, the independent auditor’s report on general purpose financial statements

АУДИТНИНГ ХАЛҚАРО СТАНДАРТИ 800

МАХСУС МАСАЛАЛАР – МАХСУС МАҚСАДЛИ АСОСЛАРГА МУВОФИҚ ТАЙЁРЛАНГАН МОЛИЯВИЙ ҲИСОБОТЛАР АУДИТИ

(2009 йилнинг 15 декабрида ёки ушбу санадан кейин бошланадиган даврлар учун молиявий ҳисоботларнинг аудитига нисбатан кучга киради)

МУНДАРИЖА
Бандлар
Кириш
Ушбу АХСни қўллаш доираси 1–3
Кучга кириш санаси 4
Мақсади 5
Таърифлар 6–7
Талаблар
Келишувни қабул қилишда кўриб чиқиладиган масалалар 8
Аудитни режалаштириш ва ўтказишда кўриб чиқиладиган масалалар 9–10
Аудитор фикр ҳосил қилиши ва ҳисобот (хулоса) тақдим этишда кўриб чиқиладиган масалалар 11–14
Стандартни қўллашга доир қўлланма ва шарҳловчи материал
Махсус мақсадли асос таърифи A1–A4
Келишувни қабул қилишда кўриб чиқиладиган масалалар A5–A8
Аудитни режалаштириш ва ўтказишда кўриб чиқиладиган масалалар A9–A12
Аудитор фикр ҳосил қилиши ва ҳисобот (хулоса) тақдим этишда кўриб чиқиладиган масалалар A13–A15
Илова: Махсус мақсадли молиявий ҳисоботлар бўйича аудиторлик ҳисоботлари (хулосалари)га мисоллар

Аудитнинг Халқаро Стандарти (АХС) 800 “Махсус масалалар – махсус мақсадли асосларга мувофиқ тайёрланган молиявий ҳисоботлар аудити” АХС 200 “Мустақил аудиторнинг умумий мақсадлари ва аудитни Аудитнинг Халқаро Стандартларига мувофиқ ўтказиш” контекстида қаралиши лозим.

Кириш

Ушбу АХСни қўллаш доираси
1. 100 дан 700 гача бўлган Аудитнинг Халқаро Стандартлари (ХАС) молиявий ҳисоботлар аудитига нисбатан қўлланилади. Ушбу АХСда мазкур Аудитнинг Халқаро Стандартларини махсус мақсадли асосга мувофиқ тайёрланган молиявий ҳисоботлар аудитига нисбатан қўллашга доир махсус масалалар кўриб чиқилади.
2. Ушбу АХС махсус мақсадли асосга мувофиқ тайёрланган молиявий ҳисоботларнинг тўлиқ тўплами нуқтаи назаридан ёзилган. АХС 805¹ да айрим молиявий ҳисобот ёки молиявий ҳисоботнинг махсус элементи, счёти ёки моддаси аудити учун аҳамиятли бўлган махсус масалалар кўриб чиқилади.
3. Ушбу АХС талаблари бошқа АХС талабларига нисбатан устунликка эга бўлмайди; шунингдек у келишув билан боғлиқ вазиятларда ўринли бўлиши мумкин бўлган барча махсус масалаларни кўриб чиқишни ҳам назарда тутмайди.