Isa 700, the independent auditor’s report on general purpose financial statements

Ҳисоб юритиш асоси ҳамда тарқатишга нисбатан чеклашлар
Биз модификацияланган фикр (хулоса)ни билдирмасдан, Сизнинг эътиборингизни ҳисоб юритиш асосини тавсифловчи молиявий ҳисоботларга Х изоҳга қаратамиз. Молиявий ҳисоботлар АВС ширкати иштирокчиларига алоҳида фойда солиғи бўйича ўз декларацияларини тайёрлашда кўмаклашиш мақсадида тайёрланган. Натижада молиявий ҳисоботлар бошқа мақсадлар учун мос келмаслиги мумкин. Бизнинг ҳисоботимиз (хулосамиз) фақат АВС ширкати ва унинг шериклари учун мўлжалланган ва АВС ширкати ёки унинг шерикларидан бошқа томонларга тақдим этилиши мумкин эмас.
[Аудиторнинг имзоси]
[Аудиторлик ҳисоботи (хулосаси) санаси]
[Аудиторнинг манзили]

3-мисол: Вазиятлар қуйидагиларни ўз ичига олади: Молиявий ҳисоботлар тадбиркорлик субъекти раҳбарияти томонидан тартибга солувчи орган белгилаган молиявий ҳисоботларни тайёрлаш тўғрисидаги қоидалар (яъни махсус мақсадли асос)га мувофиқ мазкур тартибга солувчи орган талабларини бажариш мақсадида тайёрланган. Тадбиркорлик субъекти раҳбарияти молиявий ҳисоботларни тақдим этиш асосини танлашга ҳақли эмас. Молиявий ҳисоботларни тақдим этиш учун қўлланиладиган асос – ҳаққоний тақдим этиш асоси. Аудит келишуви шартларида тадбиркорлик субъекти раҳбариятининг молиявий ҳисоботларни тайёрлаш учун жавобгарлиги тавсифи АХС 210 га мувофиқ акс эттирилган. Аудиторлик ҳисоботи (хулосаси)ни тарқатиш ёки ундан фойдаланиш чекланган. Бошқа масала параграфида аудитор АВС компанияси айни ўша давр учун умумий мақсадли асосга мувофиқ тайёрлаган молиявий ҳисоботлар бўйича аудиторлик ҳисоботи (хулосаси)ни ҳам чоп этгани кўрсатилган.

МУСТАҚИЛ АУДИТОР ҲИСОБОТИ (ХУЛОСАСИ)
[Тегишли адресат]
Биз АВС компаниясининг 20Х1 йил 31 декабр ҳолатига бўлган бухгалтерия баланси, кўрсатилган санада тугаган йил мобайнида фойда ва зарарлар тўғрисида ҳисоботи, хусусий капиталдаги ўзгаришлар тўғрисида ҳисобот, пул оқимлари тўғрисида ҳисобот, шунингдек ҳисоб сиёсати аҳамиятли қоидаларининг қисқача тавсифи ва бошқа изоҳловчи маълумотлардан иборат бўлган илова қилинаётган молиявий ҳисоботлари аудитини ўтказдик. Молиявий ҳисоботлар Компания раҳбарияти томонидан Z низом Y бўлимининг молиявий ҳисоботларни тайёрлаш тўғрисидаги қоидалари асосида тайёрланган.