Irrigatsiya va melioratsiya

20.4.2- rasm. Sarfi rostlab turiladigan suv chiqargichli 
egiluvchan shlanglar bilan g’o’zani egatlab sug’orish
. 
Bunday tizimlarda suv gidrantlardan ochiq muvaqqat sug’orish tarmog’iga 
uzatilishi va undan nay hamda sifonlar yordamida egatlarga taqsimlanishi mumkin. 
6. Tuproq ustidan sug’orishda ish unumdorligini oshirish, suvdan tejamli 
foydalanish, tuproqni sifatli namiqtirish 
sug’orishni mexanizatsiyalash
ga imkon 
beruvchi quyidagi mashina va agregatlardan foydalanish evaziga erishiladi. 
PPA-165U ko’chma sug’orish agregati qator oralari 60, 70 va 90 sm bo’lgan 
ekinlarni egatlab sug’orishda keng qo’llaniladi). Agregat nasos stantsiyasi, 
rostlanuvchi suv chiqargichlar bilan ta’minlangan egiluvchan shlanglar, ularni 
tarqatish va yig’ib olish moslamasidan iborat bo’lib, T-28-X4, T-40M, MTZ-80 
traktorlariga o’rnatilgan holda ishlatiladi.
PPA-300 ko’chma sug’orish agregati sholichilik almashlab ekish dalasidagi 
ekinlarni bostirib sug’orish, sug’orish yo’laklariga suv taqsimlash, sho’r yuvish va 
nam to’plash maqsadlarida qo’llaniladi. Agregat nasos stantsiyasi, egiluvchan 
shlang, ularni tarqatish va yig’ib olish moslamalaridan iborat bo’lib, MTZ-80, 
YUMZ-6 traktorlariga o’rnatiladi.

---

377 
APSH-1 g’ildirakli shleyfli sug’orish agregati ekinlarni egatlab va yo’laklab 
bostirib sug’orishda qo’llaniladi. Suvni ochiq kanallar yoki yopiq tarmoqlardan 
gidrantlar orqali olib ishlaydi. U juft g’ildiraklarga o’rnatilgan ikkita 220 mm 
diametrli suv tashuvchi alyumin quvur va 100 mm diametrli sug’orish shleyfidan 
iborat bir nechta sektsiyalardan tarkib topgan.
TKP-90 g’ildirakli sug’orish quvuri egatlab sug’orishda ishlatiladi. U DKSH-64 
quvuri asosida tayyorlangan bo’lib, 16 ta erkin aylanuvchi mufta bilan jihozlangan 
2 qanotdan iborat. Muftalarga ekinlar qator oralig’i kengligida suv chiqargichlar 
bilan ta’minlangan kichik bosimli shlang - shleyf ulanadi. Suv yopiq tarmoqdan 
gidrantlar yordamida uzatiladi.
TAP-150 alyumin sug’orish quvuri nov yoki yopiq tarmoqdan suv oladi va 
egatlab sug’orishda qo’llaniladi. U 150 mm diametr va 5,1-11,7 m uzunlikdagi 
alyumin quvurlardan iborat bo’lib.
KOP-200 sug’orish qurilmasi komplekti novlardan surma klapanli suv 
chiqargich yoki sifonlar yordamida suv olib ishlaydi. U har biri 50 m uzunlikdagi 
suv tashuvchi polietilen shlangdan iborat.
KP-160A sug’orish komplekti egatlab sug’orishda, sho’r yuvish va nam to’plash 
maqsadidagi sug’orishlarda ishlatiladi. Suv chiqargichlar bilan ta’minlangan suv 
tashuvchi polimer-metall quvur 250 mm diametrda va 5,4 m uzunlikda bo’lib, ular 
xomutlar yordamida ulanadi.