Irrigatsiya va melioratsiya

1.4 Iqlimi, tuproq yer usti va yer osti suvlari melioratsiyasi 
O’zbekiston Respublikasi yer qurrasining shimoliy yarim sharida, dengiz va 
okeanlardan uzoqda, yevrosiyo materigi va Markaziy Osiyoning o’rta qismida 
joylashtan. Sharq va shimoliy - sharkda Qirg’iziston, shimol va shimoliy - g’arbda 
Qozog’iston Respublikalari, janubiy va janubiy - sharqda Tojikiston Respublikasi, 
janubiy - g’arbda Turkmaniston, janubda qisman Afg’oniston bilan chegaradosh. 
Uzbekistonning eng shimoliy chekka nuqtasi shimoliy – sharkda - Ustyurt 
platosida Orol dengizining g’arbiy sohilida (45°36' shimoliy kenglikda), eng 
janubiy nuqtasi - Surxondaryo viloyati Termiz shaxri yonida (37°11' shimoliy 
kenglikda), g’arbiy nuqtasi - Ustyurt platosida (56° sharqiy uzunlikda), sharqiy 
nuqtasi - Farg’ona vodiysiping sharqida, Kirg’iziston Respublikasi bilan chegara 
joyi (37°10') sharqiy uzunlikda. Shimoliy va janubiy chekka nuqtalari orasi - 925 
km, g’arbdan sharqqa - 1400 km. O’zbekiston Respublikasining yalpi yer maydoni 
44,74 mln. gektarni tashkil qiladi. 
Geomorfologiyasi
Turon tekisligining Uzbekistonga qarashli qismida bir qancha orografik 
elementlar bor: shimoliy-garbiy chekkasida Ustyurt platosi, Orol dengizidan 
janubda Amudaryo deltasining allyuvial tekisligi, undan janubiy - g’arbda 
Qizilqum cho’li joylashgan. Ustyurt platosining O’zbekiston hududida joylashgan 
qismining o’rtacha balandligi 120 - 180 m, eng baland joyi 290 m (Qorabovur 
qirlari). Platoning janubida bir qancha berk (oqmas) havzalar: Borsakelmas, 
Asaka-ovloi (balandligi 30 - 60 m) botiqlari, Sariqamish soyligi bor. Sariqamish 
soyligining Uzbekistonga qarashli shimoliy - g’arbiy qismi tubi dengiz sathidan 10 
m past. Orolbo’yi pasttekisligining anchagina qismini Amudaryo deltasi va unga 
yondosh pasttekisliklar egallagan, ularni Amudaryoning qurib qolgan o’zanlari 
qismlarga ajratib turadi. Ayrim kichik tepaliklar mavjud.