Iqtisodiyoti

Loktatsiya – 
chorva
 
molining bolalashidan tortib to sutdan 
chiqquniga qadar bo‘lgan davr. 
Melioratsiya obyektlari
– kollektor-drenaj va yer usti tashlama 
suvlarini to‘plash hamda ularni sug‘oriladigan yerlardan tashqariga 
chiqarib tashlashga ko‘maklashadigan, kollektorlarni va kollektor-drenaj 
tarmog‘ini, vertikal drenaj quduqlarini, melioratsiya nasos stansiyalarini 
(agregatlarini) va kuzatuv tarmog‘ini o‘z ichiga oladigan suv xo‘jaligi 
obyektlari. 
Mehnatga haq to‘lash
– yaratilgan milliy mahsulotdan ishchi va 
хizmatchilar mehnatining miqdori, sifati va unumdorligiga ko‘ra 
ulushini belgilash va to‘lash. 
Mikrofirma
– kichik biznes subyektlarining bir turi bo‘lib, 
mamlakatimizda amaldagi qonunchilikka ko‘ra sanoat ishlab chiqarish 
tarmoqlarida 20 kishigacha, хizmat ko‘rsatish sohasida 10 kishigacha, 
savdo va umumiy ovqatlanish sohasida 5 kishigacha ishlovchi 
korхonalar mikrofirma hisoblanadi. 

---

529 
Monopoliya
– monopol yuqori narхlarni o‘rnatish hamda monopol 
yuqori foyda olish maqsadida tarmoqlar, bozorlar va yaхlit 
makroiqtisodiyot ustidan hukmronlikni amalga oshiruvchi yirik 
korхonalar (firma, korporatsiyalar)ning birlashmalari. 
Mulkka egalik qilish
– mulkdorlik huquqining uning egasi qo‘lida 
saqlanib turishi va yaratilgan moddiy boyliklarni o‘zlashtirishning 
iqtisodiy shakli. 
Mulkdan foydalanish
– mol-mulkning iqtisodiy faoliyatda 
ishlatilishi yoki ijtimoiy hayotda qo‘llanishi, ya’ni uning nafli 
jihatlarining bevosita iste’mol qilinishi. 
Mulkni tasarruf etish
– mol-mulk taqdirini mustaqil hal qilish.
Oilaviy biznes
– tadbirkorlik faoliyatining o‘zaro qon-qardoshlik 
aloqalari bilan bog‘liq bo‘lgan kishilar guruhi (asosan oila a’zolari) 
tomonidan birgalikda yuritishga asoslangan shakli. 
Ozuqa birligi
– yem-xashak ekin maydonlari yoki ozuqa 
ekinlarining o‘z to‘yimliligi jihatidan 1 kg suliga teng keladigan 
unumdorligining o‘lchov birligi.