Iqtisodiyoti

Budjet profitsiti 
– muayyan davr
 
mobaynida
 
(odatda bir yilda) 
budjet daromadlarining budjet xarajatlaridan ortiq bo‘lgan summasi. 
Chet el investitsiyalari
– chet ellik investorlar asosan foyda olish 
maqsadida tadbirkorlik faoliyati va qonun hujjatlarida ta’qiqlanmagan 
boshqa turdagi faoliyat obyektlariga qo‘shadigan barcha turdagi moddiy 
va nomoddiy boyliklar va ularga doir huquqlar, shu jumladan 
intellektual mulkka doir huquqlar.
 
Davlat tasarrufidan chiqarish
– davlat korхonalarini va 
tashkilotlarini jamoa, ijara korхonalariga, aksiyadorlik jamiyatlariga, 
mas’uliyati cheklangan jamiyatlarga, davlatga qarashli mulk 
bo‘lmaydigan boshqa korхonalar va tashkilotlarga aylantirish. 
Degradatsiyaga uchragan yerlar
– tabiiy va antropogen omillar, 
xo‘jalik va boshqa faoliyatning salbiy ta’sirlari natijasida tuproq sifati 
yomonlashgan qishloq xo‘jaligi yerlari. 
Dehqon xo‘jaligi 
– oila a’zolarining shaxsiy mehnati asosida, meros 
qilib qoldiriladigan umrbod egalik qilish uchun oila boshlig‘iga berilgan 
tomorqa yer uchastkasida qishloq xo‘jaligi mahsuloti yetishtiradigan va 
realizatsiya qiladigan oilaviy mayda tovar xo‘jaligidir. Dehqon 
xo‘jaliklaridagi faoliyat tadbirkorlik faoliyati jumlasiga kiradi hamda 
dehqon xo‘jaligi a’zolarining istagiga ko‘ra yuridik shaxs tashkil etgan 
holda yoki yuridik shaxs tashkil etmasdan amalga oshirilishi mumkin. 
Depozit 
–
 
1) bank jamg‘armasi; 2) bankka omonat kassasi yoki 
foydalanish uchun vaqtincha qo‘yilgan pul yoki qimmatli qog‘ozlar, 
qimmatli narsalar. 

---

525 
Depressiya 
– ishsizlik darajasi yuqori, tovar va xizmatlarga talab 
pastligi, ishlab chiqarishning hajmi va ishchanlik tushib ketadigan 
davrni xarakterlaydigan iqtisodiyotdagi tushkunlik davri. Inqiroz 
siklining eng past darajasidir.