Iqtisodiyoti

Amortizatsiya fondi
– eskirgan asosiy fondlarning o‘rnini 
keyinchalik qoplash maqsadida pul mablag‘larini to‘plab borishga 
mo‘ljallangan fond.
Bank
– iqtisodiyotning me’yorda amal qilishi uchun zarur bo‘lgan pul 
massasi harakatini tartibga soluvchi moliya-kredit muassasasi. 
Bozor
– tovarlar bilan pullarning harakatini ta’minlovchi ishlab 
chiqarish va iste’mol o‘rtasida, sotuvchi va xaridor o‘rtasidagi 
munosabatlar tizimi. Bozor sotuvchi va xaridorlar uchrashadigan, 
ayirboshlash amalga oshadigan joyni ham anglatadi. Bozorning faoliyat 
ko‘rsatishi uchun dastavval mulkchilikning xilma-xil shakllariga 
asoslangan mustaqil xo‘jalik yurituvchi subyektlar va bozor 
infrastrukturasini vujudga keltirish talab etiladi.
Bozor iqtisodiyoti
– iqtisodiy munosabatlar erkin amalga oshadigan 
iqtisodiyotdir. Bozor iqtisodiyotining faoliyat ko‘rsatishi asosan bozor 
mexanizmlari orqali amalga oshadi.
Bozor infratuzilmasi – 
bozor iqtisodiyoti uchun xizmat ko‘rsatuvchi 
har xil sohalar. 
Bozor muvozanati – 
bozordagi talab va taklifning miqdoran va 
tarkibi jihatidan bir-biriga muvofiq kelishi. 

---

524 
Bozor konyunkturasi
– ma’lum bir davrda tovarlar talab va taklifi 
tuzilishi va dinamikasini shakllantiruvchi iqtisodiy sharoit va omillar 
majmui.
Bozorni segmentlash – 
bozorni biron-bir belgi bo‘yicha alohida 
bo‘g‘inlarga ajratish. 
Budjet 
– davlat, korxona, muassasaning qonuniy tartibda 
tasdiqlangan davrga mo‘ljallangan pul ifodasidagi daromad va sarf-
xarajatlari. 
Budjet defitsiti 
– muayyan davr
 
mobaynida
 
(odatda bir yilda) budjet 
xarajatlarining budjet daromadlaridan ortiq bo‘lgan summasi.