Iqtisodiyoti

Shaxsiy yordamchi xo‘jalik
– shaharcha, qishloq, ovullarda 
yashovchi fuqarolarga meros qilib qoldiriladigan umrbod egalik qilish 
huquqi asosida uy-joy qurish uchun berilgan uchastkalarning bir qismi – 
tomorqada oila a’zolarining shaxsiy mehnati asosida oila ehtiyojlari 
uchun dehqonchilik va chorvachilik mahsulotlarini yetishtirish hamda 
oila ehtiyojidan ortiqchasini sotish bilan shug‘ullanadigan oilaviy 
xo‘jalik. 
Subvensiya 
– hukumat mahalliy organlariga yoki xo‘jaliklarning 
turli bo‘g‘inlariga davlat tomonidan beriladigan moliyaviy yordam turi. 
Subsidiya
–pul yoki natura ko‘rinishidagi qaytarib olinmaydigan 
yordam; narxni quvvatlash usuli, davlat narxlar o‘rtasidagi farqni 
to‘laydi. 
Suv resurslari
– foydalaniladigan yoki foydalanilishi mumkin 
bo‘lgan suv obyektlari suvlari. 
Suv xo‘jaligi
– iqtisodiyotning suv resurslarini va suv obyektlarini 
o‘rganish, hisobga olish, boshqarish, ulardan foydalanish, ularni 
muhofaza qilish, shuningdek suvlarning zararli ta’siriga qarshi 
kurashishni qamrab oluvchi tarmog‘i. 
Suv obyekti
– suvlar doimiy ravishda yoki vaqtincha to‘planadigan 
va suv rejimining o‘ziga xos shakllari va belgilari bo‘lgan tabiiy 
(jilg‘alar, soylar, daryolar va boshqalar) hamda sun’iy (ochiq va yopiq 

---

532 
kanallar, shuningdek kollektor-drenaj tarmoqlari) suv oqimlari, tabiiy 
(ko‘llar, dengizlar, yer osti suv qatlamlari) va sun’iy (suv omborlari, sel 
suvlari to‘planadigan joylar, hovuzlar va boshqalar) suv havzalari, 
shuningdek buloqlar va boshqa obyektlar. 
Suv rejimi
– suv obyektlari va tuproq-gruntda suv sathi, tezligi, sarfi 
va hajmining vaqt bo‘yicha o‘zgarishi. 
Suv iste’molchilari uyshmasi
– yuridik shaxs bo‘lgan suv 
iste’molchilari tomonidan suvga doir munosabatlar, sohasidagi o‘z 
faoliyatlarini muvofiqlashtirish, shuningdek umumiy manfaatlarini 
ifodalash va himoya qilish uchun ixtiyoriy asosda tashkil etiladigan 
nodavlat notijorat tashkiloti.