"iqtisodiyot va menejment "

Tashabbusli qarorlar 
o`z tavsifiga ko`ra novatorlik, mazmuniga ko`ra esa 
istiqbolni nazarda tutadigan qarorlardir. Bunday qarorlar vaziyatni sinchkovlik 
bilan batafsil o`rganishni, maxsus kuzatuv materiallariga asoslanishni, maxsus 
hisob-kitoblarning amalga oshirilishini talab qiladi. Bunday qarorlar erkin 
harakatga asoslanib qabul qilinadi. 
An`anaviy qarorlar
– bu odatiy vaziyatlarda qabul qilinadigan qarorlardir. 
Ularning amal qilish doirasi oldindan ma`lumdir. Bunga, korxona yoki firmaning 
ishlab chiqarish dasturini qabul qilishga oid qilingan qarorlar misol bo`la oladi. 

---

293 
Tavsiyali qarorlar 
o`z mohiyatiga ko`ra tashabbusli qarorlarga yaqin bo`lib, 
korxona faoliyatini yaxshilash borasidagi tavsiyalar aksini topadi.
Aniq qarorlar
to`la-to`kis axborot mavjud bo`lgan holdagina qabul qilinadi. 
Shu sababli, bunday qarorlarning amalga oshish ehtimolligi birga yaqin bo`ladi.
Noaniq qarorlar – 
bu tavakkalchilik bilan to`liq bo`lmagan axborotga 
asoslanib qabul qilinadigan qarorlardir. Boshqacha qilib aytganda, bunday qarorlar 
kutiladigan natijaga baho berish imkoniyati bo`lmagan hollarda tavakkal qilib 
qabul qilinadigan qarorlardir. Masalan, mudofaa vazirligining eng yangi, murakkab 
qurolni yaratish to`g’risidagi loyihani tasdiqlash bo`yicha qabul qilingan qarori, 
odatda noaniq qaror shaklida bo`ladi. Chunki ishlab chiqarilgan qurolning 
qanchalik samarali yoki samarasizligi, uning qanchalik puxta yaratilganligi, 
nechog’lik mo`ljalni oqlaganligi bilan isbotlanadi. ehtimol tavakkal qilib ishlab 
chiqarilgan yangi qurolga ehtiyoj umuman bo`lmasligi mumkin.
Amal qilish xarakteriga ko`ra qarorlar quyidagi turlarga bo`linadi: 
vaqtinchalik qarorlar; tezkor qarorlar; muntazam qarorlar; vaqti-vqti bilan qabul 
qilinadigan qarorlar. 
Vaqtinchalik
qarorning amal qilishi ma`lum muddat bilan 
cheklanadi yoki doimiy qaror qabul qilinguncha amal qiladi. Masalan, biror-bir 
bayram munosabati bilan korxonada navbatchilarning tayinlanishi bo`yicha 
chiqarilgan buyruq shunday qarorlar jumlasiga kiradi. 
Tezkor qaror
kechiktirmay 
ijro etish uchun chiqariladi. Masalan, tabiiy ofat sodir bo`lgan hollarda uni bartaraf 
etish bo`yicha qabul qilingan qarorlar ana shunday qarorlar turkumiga kiradi.