«iqtisodiyot nazariyasi» kafedrasi

4.6. Ёшларга оид давлат сиёсатини такомиллаштириш
«Yoshlar — kelajagimiz» давлат дастури доирасида ёшлар тадбиркорлигини ривожлантириш ва бандлигини таъминлаш» - Ёшлар тадбиркорлигини ривожлантириш бўйича республика комиссиясининг 2019 йил 31 январдаги “2019 йилда “Yoshlar – kelajagimiz” давлат дастури доирасида амалга ошириладиган ишлар тўғрисида”ги 1-сонли баёнига асосан ёшларнинг бизнес ташаббуслари, стартаплари, ғоялари ва лойиҳаларининг манзилли рўйхати тасдиқланди. Жорий йилнинг апрель ойида “Yoshlar – kelajagimiz” жамғармаси томонидан 2019 йил учун ёш тадбиркорларнинг лойиҳаларини молиялаштириш бошланди. Тасдиқланган манзилли рўйхатга асосан жорий йилнинг 27 сентябрь ҳолатига 1 848 та бизнес лойиҳага жами 412 млрд сўм миқдорида имтиёзли кредит маблағлари ажратиш орқали 7778 та янги иш ўрни яратилишига эришилди.
«Ўзбекистон ёшлари умумжаҳон ассоциацияси» фаолиятига эътиборни кучайтириш, унинг вакиллари ва ваколатхоналарини ташкил этиш» - ВМнинг “Ўзбекистон ёшлари умумжаҳон ассоциацияси фаолиятини қўллаб-қувватлаш ва самарадорлигини ошириш чора-тадбирлари тўғрисида”ги 649-сон қарори қабул қилинди.
«Ёшлар билан олиб борилаётган маънавий-маърифий ишларнинг самарадорлигини ошириш чораларини кўриш» - Маданият вазирлиги, Ўзбекистон ёшлар иттифоқи, Ахборот технологиялари ва коммуникацияларини ривожлантириш вазирлиги, Инвестициялар бўйича давлат қўмитаси, вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Чора-тадбирлар дастури. Дастурда давлат-хусусий шериклик асосида янги маданият ва истироҳат боғларини ташкил этиш, уларни замонавий ёшлар масканларига айлантириш чораларини кўриш, ушбу боғларда, биринчи навбатда, спорт майдончалари, амфитеатр ва кичик саҳналар, кутубхона, «Book cafe», шунингдек бепул «wi-fi» ҳудудларни ташкил этиш назарда тутилади.