Iqtisodiyot nazariyasi fanining nazariy va amaliy vazifalari. Reja: kirish asosiy qism

Iqtisodiyot nazariyasi fanining nazariy va amaliy vazifalari.
Reja:


KIRISH
ASOSIY QISM
1. Ilmiy abstraktsiya usuli - iqtisodiy hodisa va voqealarni oʻrganishning asosiy ilmiy usuli.
2. Umumilliy bilish usullari: tahlil va umumlashtirish, induktsiya va deduktsiya, tarixiylik va mantiqiylik.
3. Makro-mikro iqtisodiy tahlil. Ilmiy bilishda statistik va grafik, empirik – tasviriy va boshqa usullarni qqllanilishi.
4. Oʻzbekistondagi ijtimoiy – iqtisodiy muammolarni tahlil qilish va oʻrganishda iqtisodiyot nazariyasi bilish usullarini oʻrni va axamiyati.
XULOSA
FOYDALANILGAN ADABIYOTLAR RO’YXATI

Kirish
Mavzuning dolzarbligi. iqtisodiyot nazariyasi fani masalaning u tomonini ham, bu tomonini ham chetda qoldirmasligi, masalaga bir tomonlama yondashuvga yo‘l qo‘ymasligi lozim. Chunki har qanday mehnat, har qanday ishlab chiqarish, xizmat ko‘rsatish, eng avvalo, tabiat ashyolari, moddiy vositalar, pul mablag‘lari orqali amalga oshiriladi va ulardan foydalaniladi. Shuning uchun mavjud resurslarga, ishlab chiqarilgan tovar va xizmatlarga, ulardan unumli foydalanishga bo‘lgan munosabat, ishlab chiqarish omillarining o‘zaro bog‘liqligi va bir-biriga ta’sirida o‘rganilishi lozim. Boshqa tarafdan, hech qanday mehnat yoki ishlab chiqarish alohida olingan kishi yoki guruh tomonidan, boshqalar bilan aloqalarsiz, munosabatlarsiz amalga oshirilmaydi. Ular ishlab chiqarish va xizmat ko‘rsatish jarayonida bir-birlari bilan albatta o‘zaro munosabatda bo‘ladilar va shu munosabatga qarab harakat qiladilar, o‘z xulq-atvorlarini, xatti-harakatlarini belgilaydilar.
Mana shularni hisobga olib, iqtisodiyot nazariyasi fanining predmeti – iqtisodiy resurslar cheklangan sharoitda jamiyatning cheksiz ehtiyojlarini qondirish maqsadida moddiy ne’matlarni (va xizmatlarni) ishlab chiqarish, taqsimlash, ayirboshlash va iste’mol qilish jarayonida vujudga keladigan iqtisodiy munosabatlarni, ijtimoiy xo‘jalikni samarali yuritish qonun-qoidalarini o‘rganishdan iborat, deb aytish mumkin.