Iqtisodiyot” fakulteti “Turizm faolyati ” yo’nalishi 203- guruh talabasi Sotimov Elzod “Turizm nazariya va amaliyot” fanidan tayyorlagan

Avtosayyohlar uchun restoran-katta yo‘l chorrahalarida, yirik avtobekatlarda
joylashadi, sayyohlar bu yerlarda ovqatlanadi va dam oladilar.
Bar-kichkina restoran, ilgari mayxona nomi bilan atalgan. Keng
assortimentda har xil ichimliklar sotiladi. Shu bilan birga barda taomlar, gazaklar,
qandolat mahsulotlari ham bo‘lishi mumkin. Barlarning vazifasi-bu yerga
keluvchilarga yaxshi xizmat ko‘rsatish, shinam jihozlangan, chiroyli joyda
ko‘ngildagidek dam olish sharoitini yaratish, musiqa, sanoatkorlar chiqishi,
videoeshittirishlar tashkil qilishdir. Assortimentga qarab barlar quyidagi turlarga
bo‘linadi: pivo barlari, vino, sut-qatiq, kokteyl-xoll, kokteyl-barlar. Kokteyl-xoll
kokteyl-bardan zalining kattaligi, jihozlanishining turli-tumanligi bilan farqlanadi.
Barlar odatda ma’muriy-madaniy va savdo markazlarida, mikrorayonlarda,
restoran, kafe, mehmonxonalar qoshida ochiladi.
Binolarning tuzilishiga ko‘ra barlar quyidagicha joylashadi:
vestibyullarda-bu yerda kishilar uchrashadilar va suhbatlashadilar;
restoran barlari-bino ichida, zalda joylashadi;
yordamchi barlar-mehmonxona qavatlarida joylashadi;
banket barlari-banket zallarida joylashadi;
mini-barlar-mehmonxonaning mehmonlar uchun mo‘ljallangan xonalarida
joylashadi.
Bar taomnomalarida aralash-ichimliklar, shuningdek, tabiiy kuchli alkogol
ichimliklar bo‘ladi. Har xil gazaklar mijozlar xohishiga qarab beriladi. Hamma
barlarda stereofonik ovoz chiqaradigan jihozlar, televizor, videomagnitafonlar,
o‘yin avtomatlari bo‘lishi kerak. 50 dan ko‘p kishiga mo‘ljallangan raqsga tushish
maydoni ham bo‘ladi.
Alkogol ichimliksiz barlar ommaviy dam olish joylari hisoblanadi. Bunday
joylarga har xil kasbga ega yoshlar uchrashadilar va alkogolsiz ichimliklarni
ichishadi. Yaxshi jihozlangan, did bilan bezatilgan, musiqa xizmatining a’lo
darajada yo‘lga qo‘yilganligi tufayli bu barlar tezda ko‘zga tashlanadi va dam
oluvchilar uchun qulay joy bo‘lib xizmat qiladi.
Salat-barlar - maxsus peshtaxta bilan jihozlangan, ochiq sovutgich vitrinasiga
ega. Maxsus idishlarda tayyorlangan har xil salatlar: ko‘k salat, bodring, rediska,
pomidor, tuxum, kartoshka, sabzi, qizilcha, ukrop, piyoz, petrushka, karam,
shuningdek, go‘sht, baliq, kolbasa, pishloq va boshqalar beriladi. Alohida
idishlarda: yog‘, sirka, gorchitsa, krem, qaymoq, mayonez, shakar, tuz, garimdori
taklif etiladi. O‘z didi va ishtahasiga qarab har bir mijoz tegishli mahsulotlardan
idishlariga solib oladi. Bu barlar «shved dasturxoni»ning bir ko‘rinishidir.