Iqtisodiyot” fakulteti “Turizm faolyati ” yo’nalishi 203- guruh talabasi Sotimov Elzod “Turizm nazariya va amaliyot” fanidan tayyorlagan

Ovqatlantirish kombinati-yirik birlashma, uning tarkibiga: fabrikalar, oshxona,
restoran, kafe, tamaddixonalar, ovqat magazinlari kiradi. Ovqatlantirish kombinati
boshqa korxonalar chakana savdo, ovqat magazinlari uchun ham yarim tayyor
mahsulotlar tayyorlab beradi. Ovqatlantirish kombinatlari odatda yirik ishlab
chiqarish korxonalari, birlashmalar, oliy o‘quv yurtlari qoshida tashkil etiladi.
Tayyorlovchi fabrika odatda alohida binoda joylashgan bo‘ladi va yo‘lak bilan
oshxonalarga birlashtiriladi.
Shuningdek, xizmat ko‘rsatishning rivojlanishi xalq farovonligining
oshishiga bevosita ta’sir qiladi. ovqatlantirish korxonalari turli xususiyatlariga
ko‘ra tavsiflanadi va tasniflanadi.
Ovqatlantirish korxonasi-ma’lum turdagi korxona xizmatning o‘ziga xos
belgilari, mijozlarga ko‘rsatiladigan xizmat sifatining darajasi va sharoiti bilan
ifodalanadi.
Korxonaning turini belgilashda quyidagilar e’tiborga olinadi:
realizatsiya qilinadigan mahsulotlar assortimenti, ularni tayyorlashdagi
turli-tumanlik va murakkablik;
texnik jihozlanish-moddiy baza, injener-texnik jihoz va uskunalar bilan
ta’minlanganligi, bino tizimi, arxitektura-rejalanishi va hokazo;
xizmat qilish usullari;
xodimlarning malakasi;
xizmat ko‘rsatish sifati va madaniyati, binoning ichki bezagi, ahloq-odob,
muomala, estetika va h.k.
Ovqatlantirish korxonalarining beshta turi mavjud: restoran, bar, kafe,
oshxona, tamaddixona (yahna ovqatlar).
Restoran murakkab tarzda tayyorlangan taomlarning keng assortimentini
tayyorlaydigan ovqatlantirish korxonasidir. Bular ichiga buyurtma va firma
taomlari, ichimliklar, tamaki va qandolat mahsulotlari kiradi. Mijozlarning yaxshi
dam olishlari uchun yuksak darajada xizmat ko‘rsatiladi.
Restoranlar bir-biridan tayyorlab beriladigan taomlar assortimenti va
joylashgan joyi bilan farq qiladi.