Iqtisodiyot asoslari

Progressiv soliq - 
daromadning o’sib borishi bilan soliq miqdorining ham o’sib 
borishiga asoslangan, soliq.

---

71 
Proteksionizm 
- milliy iqtisodiyotni xorijiy ishlab chiqaruvchilar tazyiqidan 
himoya qilishga qaratilgan davlat siyosati. Prteksionizm birinchi navbatda xorijiy 
tovarlarni mamlakatga olib kirishni to’g’ridan - to’g’ri yoki egri yo’llar bilan 
cheklashda ifodalanadi. 
Pul - kredit siyosati - 
pul muomalasini tartibga solish orqali makroiqtisodiy 
barqarorlikni ta’minlashga qaratilgan davlatning iqtisodiy siyosati. Pul - kredit 
siyosati quyidagi vositalar orqali amalga oshiriladi: 
-
ochiq bozorlarda operasiyalar o’tkazish; 
-
majburiy zahiralarni o’zgartirish; 
-
hisob stavkalarini o’zgartirishga asoslangan diskont siyosati. 
Pul massasi - 
iqtisodiyotda mavjud bo’lgan umum qabul qilingan to’lov 
vositalarining umumiyligi. 
Pul tizimi - 
tarixan tarkib topgan, qonunchilik asosida mustahkam-langan pul 
muomalasini tashkil etish tizimi. 

R 
Rant’e - 
qimmatli qog’ozlardan olinuvchi daromadlar va foizlar hisobiga hayot 
kechiruvchi shaxs. 
Raqobat - 
ishlab chiqaruvchilar va xizmat ko’rsatuvchilar o’rtasida bozorda ustun 
mavqega ega bo’lish, yuqori foyda olish maqsadida olib boriluvchi iqtisodiy 
kurash. Raqobat bozor iqtisodiyotining asosiy harakatlantiruvchi kuchi 
hisoblanadi. 
Renovasiya - 
jismoniy va ma’naviy jihatdan eskirgan ishlab chiqarish fondlarini 
Yangilash jarayoni. 
Real YaMM - 
YaMMning inflyasiya sur’atlarini hisobga olgan holda hisoblangan 
puldagi qiymati. 
Reval’vasiya 
- mamlakat milliy pul birligining kursini boshqa mamlakatlar milliy 
valyutalari kursiga nisbatan rasman ko’tarish. 
Reklama - 
ma’lum bir mahsulot yoki xizmatni sotishni rag’batlantirish maqsadida 
korxonalar tomonidan mutaqil yoki reklama xizmatlarini taklif etuvchi korxonalar 
tomonidan amalga oshiriluvchi tijorat - targ’ibot faoliyati.