Iqtisodiy tahlil

Material resurslar zaxira holati tahlili

Materiallar markasi nomi	O’rtacha sutkalik sarf, kg	Haqiqatdagi zaxira		Zaxira me’yori, kunlar		Maksimal me’yordan og’ish
		kg	kunlar	maksimal	minimal	kunlar	kg
Po’lat markasi U-10	50	4800	96	35	25	+61	+3050
8mm li po’lat	51,4	3600	70	94	80	-24	-1233,6

Hisoblash: 96 – 35 = +61 kun

61*50 = +3050 kg
Ushbu misolda hatto maksimal me’yor bilan taqqoslanganda ham U-10 po’latda sezilarli qoldiq mavjud. Ayni vaqtda boshqa turdagi po’lat 1233,6 kg kam.


4. Material resurslardan foydalanish samaradorligini ifodalovchi ko’rsatkichlar
Zaxiralarni tizimli aniqlash va mobilizatsiyalash, material sarflar va mahsulotning material sig’imini kamaytirish zarurati tahlilda material resurslardan foydalanish samaradorligini har tomonlama tavsiflovchi va mahsulotning material sig’imini kamaytirish borasida korxona faoliyatini rejalashtirish, hisobga olish, natijalarni tahlil qilishga imkon beruvchi ko’rsatkichlar tizimi qo’llanilishini nazarda tutadi. Material resurslardan foydalanish samaradorligi ko’rsatkichlari umumiy va xususiyga ajratiladi.
Umumiy ko’rsatkichlarga quyidagilar kiritiladi: mahsulotning material sig’imi; material qaytimi; mahsulot tannarxida material sarflarning ulushi; material resurslardan foydalanish koeffitsienti.
Material resurslar samaradorligining xususiy ko’rsatkichlari material resurslarning alohida elementlarini iste’mol qilish samaradorligini tavsiflash, shuningdek, alohida mahsulotlar material sig’imini baholash uchun qo’llaniladi. Alohida mahsulotlarning solishtirma material sig’imi qiymat, natural-qiymat va natural ifodada hisoblanishi mumkin.
Umumlashtiruvchi ko’rsatkichlarni aniqlash tartibi va ularning o’zgarish tendentsiyalarini ko’rib chiqamiz.