Ipak texnologiyasi

K­­Z-150-SHL Dastgohdagi texnologik jarayon va pillalarni bug‘lash texnikasi.

KZ dastgohida pilla bug‘lash usulining moxiyati shundan iboratki, pillaga bug‘ va suvni о‘zgarib bir yuqori, bir past xaroratda ta’sir qilishi natijasida pilla kerak xajmda suv bilan tо‘ladi, qobiq devorlari esa suv bilan shimiladi va seritsin bir tekis yumshaydi, KMS-10 dastgohdagi individual bug‘lashga nisbatan.

12-rasm. KZ-150-SHL pillani markazlashgan holda bug‘lash konveyeri. 1-ikki yarusli barka,2-metall tayanch,3- ustki va pastki barkalarni bо‘lib turuvchi qopqoq,4-5-tortuvchi truba, 6-8-10- pastki yarus barkasi tо‘siqlari, 9-oynavand fragumalar, 7-11-15- rolik,yо‘lakcha va yulduzchalar, 12-stol, 13-bunker voronka,14-zanjir.

Pillalar savatchalarga a b uchastkada dastgohning yurish vaqtida solinadi. Zanjir yuqori qavatda chapdan о‘ngga par tomonga xarakat qiladi, bug‘ kamerasidan tortuvchi trub 4 ga boradi.

Bug‘ kamerasida pillalarga 2,5-5 minut davomida par ta’sir qiladi, uning xarorati (pillaning sifatiga va pilla chuvish tizimiga bog‘liq xolda) 90⁰C dan 100⁰C gacha. Bug‘ kamerasida pillalar isiydi, namlanadi va bо‘kadi, ulardagi xavo kengayadi va qisman tashqariga chiqadi.

Shundan sо‘ng pillalar birinchi bо‘limga (A) suv bilan tushadi, suvning xarorati 60⁰ to 70⁰C bо‘lib, u yerda ular 0,9-1,8 minut davomida soviydi. Shunda pilladagi bug‘li xavo aralashmasi soviydi, uning bosimi pasayib, pillalar suvni shimadi. Shuning uchun a bо‘limini shimdiruvchi bо‘lim deb ataladi.

Dastgohning ikkinchi eng uzun bо‘limida pillalar avval suvda 90 dan 99⁰C gacha 1,1-2,2 min davomida qaynaydi, sо‘ng dushdagi suvda bir oz sovutiladi va yana 85⁰ dan 100 ⁰C xaroratda 1,65-3,3 min davomida pishadi.

Birinchi pishirishda pillalar isiydi, ularni ichidagi bosim kо‘tariladi, buni hisobiga suvning bir qismi ichiga siqiladi, bu bilan qobiq tashqi qavatdan ichki qavatga qarab yuviladi va seritsin yumshaydi. Dushdan tushayotgan suvning ta’sirida, uning xarorati 65 dan 95⁰ C, pillalar soviydi va yana suv shimadi. Bu xolda qobiqning yuqori qavatdagi seritsin (adgeziyasi) ipning qobiqdan ajralish kuchi birmuncha oshadi. Ikkinchi pishirish vaqtida suv yana pilla tashqarisiga siqiladi va qobiq yana yuviladi. Dastgohning birinchi pishirish zonasi (V) birinchi pishirish bо‘limi deb ataladi, sovitish zonasi (S) – dush suvini boshqaruvchi bо‘lim pishiriish zonasi (D) – ikkinchi pishirish bо‘limi deb yuritiladi.

Barkaning uchinchi bо‘limida pillalarga 0,9 – 1,8 minut davomida 50⁰ dan 75⁰ gacha xaroratda, va oxirida dushli suv vannasida 55 dan 65⁰ C xarortda qayta ishlanadi. Bu yerda pillar yana sovutiladi va suv shimadi. Shuning uchun uchinchi bо‘lim (E) sovutish bо‘limi deb ataladi va oxirida pillalarda bachonkalarda sovutiladi, unga 50-60⁰ C xaroratdagi suv qо‘yiladi.