Introduction of credit-module education system as a new stage of development of education system

Kalit so’zlar: an’anaviy ta’lim, kredit-modul, mustaqil ta’lim, modulli o'qitish, maxsus didaktik va kasbiy maqsadlar, individual akademik reyting.
Kirish. Istiqlol bizga oʻzligimizni anglash, tariximizni haqqoniy va xolis oʻrganish imkonini berdi. Bu esa milliy merosimizni izchil oʻrganish, Sharq falsafasi, adabiyoti, mintaqamizda oʻzaro tinch-totuvlik, birodarlik, hamkorlikka asoslangan noyob madaniy hamkorlik munosabatlarining tarixiy tizimini tadqiq etish, moziyning eng nozik qirralariga nazar tashlash uchun keng imkoniyatlar yaratdi. Oʻz-oʻzidan, tarixiy, badiiy tajribani batafsil koʻrib chiqish, uning ahamiyatini, ijobiy hamda salbiy nuqtalarini belgilash, tahlil etish, yakuniy aniq, xolisona xulosalarga kelish shiddat bilan rivojlanib borayotgan bugungi kunning muhim masalalariga aylandi.

• 
  Mavzuga oid adabiyotlarning tahlili (Literature review)
  

Oʻzbekiston Respublikasi Vazirlar Mahkamasining 824-sonli “Oliy taʼlim muassalarida taʼlim jaroyonini tashkil etish va bilan bogʻliq tizimni takomillashtirish chora-tadbirlari toʻqrisida” gi qarorga muvofiq mamlakatimizda ijtimoiy, iqtisodiy, siyosiy, maʼnaviy hayotda tub oʻzgarishlar sodir boʻlmoqda. Mazkur xujjatlarda uzluksiz taʼlim tizimining uzviyligini takomillashtirish, yuqori malakali, yuksak kasbiy, maʼnaviy va axloqiy talablarga javob beruvchi zamonaviy kadrlar tayyorlash tizimini yaratish koʻzda tutilgan [2].
Vazirlar Mahkamasining 2020-yil 31-dekabrdagi 824-son qaroriga muvofiq quyidagilar ilova qilingan:
Oliy taʼlim muassasalarida oʻquv jarayoniga kredit-modul tizimini joriy etish tartibi toʻgʻrisida nizom
1-bob. Umumiy qoidalar
1. Ushbu Nizom oliy taʼlim muassasalarida oʻquv jarayoniga Kredit toʻplash va koʻchirishning Yevropa tizimi (European Credit Transfer and Accumulation System — ECTS) asosida taʼlimning kredit-modul tizimini joriy etish tartibini belgilaydi.
Ushbu Nizom Oʻzbekiston Respublikasi Adliya vazirligi, Sogʻliqni saqlash vazirligi tizimidagi oliy taʼlim muassasalari, oliy harbiy taʼlim muassasalariga, Oʻzbekiston Respublikasi hududida oʻz faoliyatini yuritayotgan, nodavlat va xorijiy oliy taʼlim tashkilotlariga nisbatan tatbiq etilmaydi.
2. Oliy taʼlim muassasalarida oʻquv jarayoniga kredit-modul tizimini bosqichma-bosqich joriy etish ushbu Nizomga ilovada keltirilgan sxemaga muvofiq amalga oshiriladi.
3. Oʻquv jarayoniga kredit-modul tizimini joriy etishning tashkiliy masalalariga oid maʼlumotlar, jumladan, taʼlim dasturi, fanlar katalogi, akademik mobillikni taʼminlash, kreditlarni tan olish va koʻchirib oʻtkazishga taalluqli hujjatlar hamda diplomga ilovaning shakllari, shuningdek, akademik mobillik davrida talabaning bilim darajasini aniqlash boʻyicha koʻrsatkichlar va boshqa zarur hujjatlar namunalari Oʻzbekiston Respublikasi Oliy va oʻrta maxsus taʼlim vazirligi tomonidan Respublika oliy taʼlim kengashi bilan birgalikda ishlab chiqiladi va tasdiqlanadi [1].
Ilovaning ushbu qismi orqali kredit-modul tizimi uzi nima, u qanday tashkil etiladi kabi savollarga javob berish mumkin.