Internet tarmog`ining axborot va kommunikatsiya xizmatlari; Internet yaratilishi tarixi; Internetni nimalar tashkil etadi ?

5. Internet tarmog`ini ma’muriy boshqarish

Internet tashkiliy jihatdan cherkov yoki masjid o`xshash. Internet ko`ngilli ravishda o`z foydalanuvchilari va tashkil etuvchilariga ega. Uni boshqarish oqsoqollar kengashiga o`xshash kengash asosida olib boriladi. Lekin Internetning Prezidenti, patriarxi, Papasi yoki sultoni yo`q. Тarmoqni tashkil etuvchilargina o`z Prezidentlariga yoki boshliqlariga ega bo`lishlari mumkin, bu esa boshqa masala. Umuman Internetda avtoritar boshqaruvchi figuraning o`zi yo`q. Uni boshqarish Internet Maslahat Kengashi ISOC (Internet Society) tomonidan amalga oshiriladi. ISOC ga vakillar ko`ngilli ravishda a’zo bo`ladilar. Bu qengash oqsoqollar kengashini chaqiradi, oqsoqollar kengashi esa o`z navbatida Internetni texnik qo`llab-quvvatlash, uni boshqarish siyosatini muhokama qilib, tegishli qarorlar qabul qiladi.

Oqsoqollar kengashi qoshida taklif qilingan ko`ngillilardan iborat IAB (Internet arxitekturasi bo`yicha Kengash) guruhi muntazam ravishda yig`ilib, qabul qilingan qaror va takliflarni o`rganib chiqib ularni joriy etish bo`yicha o`z fikrlarini bildiradilar. Misol uchun, Internetda adreslarni taqsimlash, kompyuter va amaliy dasturlar o`rtasidagi muloqot qilishni standartlashtirish kabi masalar bo`yicha. IAB qabul qilingan standartlar uchun ma’suldir. Negaki uning yordamida standartlar bo`yicha takliflar qabul qilinadi yoki bekor qilinadi.

Foydalanuvchilar o`zlarini qiziqtirgan masalalar yoki muammolar bo`yicha Internetning operativ muxandislik ko`ngilli otryadi IETF ning muntazam o`tkaziladigan uchrashuvlarida muhokama qilishlari mumkin. Juda dolzarb va muhim masalalar va muammolarni hal qilish uchun ishchi guruh tashkil etiladi. Ishchi guruh vakillari masala va muammolarni hal qilish bo`yicha itegishli ishlanmalar ishlab chiqadilar.