Internet tarmog`ining axborot va kommunikatsiya xizmatlari; Internet yaratilishi tarixi; Internetni nimalar tashkil etadi ?

2. Ajratilgan liniya bo`yicha ulanish. Ajratilgan liniya bo’yicha ulanishda foydalanuvchining provayder transport tarmog`i uchastkasiga to`g`ridan-to`gri ulanadi. Odatda provayder transport tarmog`i optik tolali kabel asosida tashkil etiladi va unda axborot uzatish tezligi 622 Mbit/sek ni tashkil etadi. Bu Internet tarmog`iga ulanish usulida tarmoq bilan ishlash tezligi juda ham yukoridir. Biroq ushbu usul narx borasida qimmatdir. Odatda provayderning transport tarmog`iga boshqa kichik provayderla bu usulni qo`llab ulanadilar. Ular o`z navbatida trafikni boshqa provayderlarga sotadilar yoki har bir abonent kompyuterigacha ajratilgan liniya tortib, ulanishni tashkil etadilar.

Bunday ulanishda provayder abonent uchun abonent to`lovini joriy etadi. Abonent to`lovi har oyda to`lab borishi shart. Agar ajratilgan liniyaga yana boshqa foydalanuvchi ulangan bo`lsa, tezlik proporsional ravishda kamayadi.

Ushbu usulda foydalanuvchi tarmoqqa doimiy ulanadi va Internet bilan ishlash tezligi 10 Mbit/s gacha bo`ladi. Foydalanuvchi Internetda ishlagan vaqti uchun emas, undan yuklab olgan ma’lumotlari sig`imi, ya’ni trafik uchun haq to`laydi. Masalan, har 400-500 Mb yuklangan ma’lumot uchun o`rtacha oyiga $10-15 to`lov amalga oshiriladi. Bunda Internetning turli saytlariga tashrif buyurish, chat xizmatidan foydalanish qulay.

Bulardan tashqari foydalanuvchi 100 Mb/sek tezlikda musiqa, filmlarni provayderning FTP xizmatidan foydalangan holda bepul ko`chirib olishi mumkin.

Bunday transport tarmog`i deyarli barcha yirik shaharlarda tashkil etilgan. Ulanish uchun provayder $50 dan $100 gacha haq oladi. Bu summaga montaj ishlari, kabelni foydalanuvchi kompyuterigacha tortish, tarmoq kartasi narxi va dasturiy ta’minotni sozlash ishlari kiradi.

Afzalliklari: ulanish tezligining yuqoriligi. Internet tarmog`iga doimiy ulanish.Тo`lov faqat yuklangan ma’lumotlar uchun amalga oshiriladi. Provayder transport tarmog`i doirasida bepul ma’lumot ayirboshlash mumkinligi, telefon ikkitomonlama (ha so`zlashish ham Internetda ishlash) ishlatilishi mumkinligi.

Kamchiliklari: ulanish nuqtasining muqim bir joyga bog`likligi (mobillik mavjud emas). Agar trafikdan to`lik foydalanilmasa, pul behuda sarflanadi. Kabel tortish muammosi.