Internet tarixi. O’zbekistonda internetning rivojlanishi. Kiberxavfsizlik

Internet mening hayotimda .

Reja :

1. 
   Internet tarixi.
   
2. 
   O’zbekistonda internetning rivojlanishi.
   
3. 
   Kiberxavfsizlik .
   
4. 
   Internet mening hayotimda .
   
5. 
   Xulosa
   
6. 
   Foydalanilgan adabiyot va manbalar.
   

Internet tarixi. Bugunga kelib internet insonlar hayotiga shunchalik singib ketganki, zamonaviy jamiyatni usiz tasavvur qilib bo‘lmaydi. "Butunjahon o‘rgimchak to‘ri" yil sayin yangidan-yangi sohalarni qamrab olmoqda. Shunday ekan, Internet zamonamizning eng buyuk kashfiyotlari bilan bir qatorda turishga haqli. Ma'lumotlarni tezkorlik bilan yetkazish qurilmasini yaratish haqida birinchi marta 1950-yillarda AQShda bosh qotirishgan. Biroq bunday qurilmaning qo‘llanilishi harbiy xatti-harakatlar qayd etilgan holatlarda axborot yetkazishda ustunlikka ega bo‘lish maqsadiga yo‘naltirilgan. Shu bois loyihani moliyalashtirish uchun Amerika Qo‘shma Shtatlari Mudofaa vazirligi mas'ul bo‘lgan.



ARPA (AQSh armiyasidagi yangi texnologiyalar uchun javob beruvchi agentlik)da paydo bo‘lgan g‘oyalardan biri tarmoqqa birlashtirilgan kompyuterlardan foydalanish bo‘ldi. G‘oya mohiyati shundan iborat ediki, bu tarmoq tugunlari maxsus ajratilgan inshootlarda bo‘lib, ulardan biri ishdan chiqqan taqdirda, qolgani avtonom ishlay olardi. Bu esa har qanday xabarni zudlik bilan tegishli manzilga yo‘llash imkonini berar edi. AQShning to‘rt kompaniyasi loyihani amalga oshirishga kirishganidan so‘ng ARPA g‘oyasi qabul qilingan. Ular orasida Stenford tadqiqot markazi va uch universitet (Yuta, Kaliforniya shtatlaridagi Stenford universiteti va Kaliforniyadagi Los-Anjyeles universiteti) bor edi. 1961 yilda Leonard Kleyton tomonidan yaratilgan uslub ishlanmani hayotga tatbiq qilishga turtki berdi. Sinovlarga 1969 yilning 29 oktabrida start berilgan. Ishlab chiqaruvchilar bir-biridan 640 km masofadagi ikki kompyuterni tanlashgan. Vazifa «LOGIN» so‘zini bir kompyuterdan boshqasiga yo‘llashdan iborat bo‘lgan. Ikkinchi urinishdayoq ijobiy natijaga erishilgan. Shu tariqa, Internet paydo bo‘lishining rasmiy sanasi 1969 yilning 29 oktabri hisoblanadi. Birinchi kompyuter tarmog‘i esa ishlab chiqaruvchilar sharafiga ARPANET deya nomlangan.