Interfaol usullar

Bu usulda har bir o‘quvchi darsda faol ishtrokchi, boshlovchi, bir-biridan o‘rganuvchi, turli nuqtayi nazarlarni qadrlashni o‘rganadi. Qo‘llash usuli:
1. Faoliyat yo‘nalishi aniqlanadi, muammodan bir-biridan bog‘liq bo‘lgan masalalar belgilanadi.
2. Kerakli asos yaratiladi, o‘quvchilar mazkur muammo haqida tushunchaga ega bo‘lishi lozim.
3. Guruhlar belgilanadi.
4. Aniq ko‘rsatma beriladi.
5. Muhokama qilinadi.
“Munozara” usuli.
Bunda mavzu tanlanadi va aqliy hujum orqali guruhlar javob beradi. Kotib yozib boradi, fikr va g‘oyalar aytilib, ular guruhlanadi, tahlil etiladi va yagona xuloasaga kelinadi.
“Qo‘llanmalar bilan ishlash” usuli.
“Qo‘llanmalar bilan ishlah” usulida darslik, qo‘llanmalar berilib, mavzu e’lon qilinadi va o‘quvchilar ma’lum vaqtda mavzuni mustaqil o‘rganib olishadi hamda javob berishadi. Bunda “Aqliy hujum” usulidagi kabi individual, dialog, kichik guruh, jamoa bo‘lib ishlashadi.
“Kubik” usuli.
Har tomonlama fikrlash, tassavur qilish, tafakkur qilish, ko‘rsatish, faollikni oshrishiga qulay bo‘lganligi bilan ajralib turuvchi usul. Bu usuldan foydalanishni 2 xil usulda qo‘llash mumkin:
1-usul. Qog‘ozdan kubik yasab olti tomoniga savollar yozib qo‘yiladi, tashlangan kubik qaysi tomonga tushsa, o‘sha savolga javob beradi. Bu usulni o‘tkazishdan oldin barcha savollar vatman qog‘ozga yozib qo‘yiladi. Bir nechta kubik (2-3 ta) ishlatish ham mumkin.
2-usul. Qog‘ozdan kubik yasab tomonlariga: Buni tasvirlang! Buni taqqoslang! Buni o‘zaro bog‘lang! Buni tahlili qiling! Buni qo‘llang! Buning salbiy va ijobiy tomonlarini dalillar bilan isbotlang! Savollari yozib qo‘yilladi. Mavzu e’lon qilinadi va har bir o‘quvchi savollarga javob yozadi. M: “Inson hayotida yaxshi va yomon xulqlarning oqibati” mavzusi (insert matn oldindan tayyorlab qo‘yiladi).
“Zigzag” usuli.
O‘z nomidan ma’lumki, bu usulda bilim qirralari har xil bo`lgan bolalar aralashgan sinf 2-3 guruhlarga bo‘linadi va har bir guruhga alohida topshiriq beriladi, o‘quvchilar javob yozganlaridan so‘ng guruhlar bir-birlari bilan yozganlarini almashadilar va qo‘shimcha yozadilar, so‘ngra har bir guruh yozganlarini himoya etadi.