Interfaol usullar

“Estafeta” usuli.
Bu o‘yinda boshlovchi rolidagi o‘quvchi yil fasllari tasviri bilan bog‘liq bo‘lgan ijodiy matnning ikkita jumlasini(masalan: Kuz keldi. Dalalarda yig‘im-terim boshlanadi) qog‘ozga yozadi uni yonidagi o‘quvchiga uzatadi. Bu o‘quvchi ham yozilgan jumlalarga mantiqan bog‘liq bo‘lgan yana ikkita jumla yozib, uchinchi o‘quvchiga uztadi va hokazo. Natijada o‘n olti jumladan iborat bo‘lgan bog‘lanishli matn tuziladi.
Matn tuzilib bo‘lingach, boshlovchi uni guruh a’zolariga o‘qib beradi. Uslubiy yoki grammatik xatolar bo‘lsa tuzatiladi.
O‘yinda ma’lum vaqt (masalan,ikki daqiqa ) ichida eng mazzmunli, usluban bexato va to‘la matn tuzgan guruh g‘olib bo‘ladi.
“Bahr-u bayt” o‘yini.
Bu o‘yin ham estafeta o‘yinidek guruh a’zolari tomonidan qog‘ozga bir band she’riy matn yozishgan iborat bo‘ladi. Boshlovchidan so‘ng qog‘ozni qo‘lga olgan o‘quvchining yozgan bayti, boshlovchi yozgan baytning oxirgi harfidan boshlanishi kerak.Shunday qilib, o‘yinda qog‘ozga tushgan baytlar oxirgi harflari bilan bir-biriga ulanib ketadi. Birinchi bo‘lib o‘n olti satr(8 bayt)ni bexato yozib qog‘ozga tushirgan guruh a’zolari o‘yinda g‘olib bo‘ladi.