Interfaol dars o’tish materiallari

IMAK (ishontirish maktabi) - ishontirish (murosa yo’llarini topish, uni asoslab berish), tashkilotchilik qobiliyatini, noan’anaviy vaziyatlarda o’zini va jamoani boshqara olish hamda mumkin bo’lgan muammoli vaziyatlarni oldindan ko’ra bilish, ularni hal qilish yo’llarini izlab topish mahoratini shakllantirishga yo’naltirilgan.
«Uchlik» (SAN samarali, ahloqiy, nazokatli) - bezak ishlari, ijodiy fikrlash ko’nikmalarini shakllantirish, ijodiy tasavvurni rivojlantirish, tashkilotchilik qobiliyatlarini, turli badiiy eskizlarni tayyorlash ko’nikmalarini shakllantirishga yo’naltirilgan.
«Stsenariy» («Sahna») - ijodiy fikrlashni rivojlantirish, tadbirning reja-stsenariysini tuzish ko’nikmasi hamda sahna va aktyorlik asoslari, madaniyat, rejissura, tadbirni tashkil etish, notiqlik mahoratini shakllantirishga yo’naltirilgan.
«AJIL» (amaliyotda jamoaviy ijodiy ishlar) - jamoaviy ijodiy ishni tashkil kilish, tayyorlash va o’tkazish uslublarini o’rganish x,amda ijodiy faoliyatni shakllantirishga yo’naltirilgan.
«Bahslashuv» - talaba (yoki o’quvchi)lar o’rtasida bahs, munozaralar o’tkazish va bahslashuv klublarini tashkil etish hamda ularni ba’zi yanglish fikrlar, atrofda sodir bo’layotgan voqea-hodisalarga qarshi kurashish, noo’rin fikrlarga o’z vaqtida qarshilik ko’rsatish yoki bildirilgan fikrni to’g’ri, noto’g’ri ekanligini aniqlab olish, o’z fikrini boshqalarga o’tkaza olish, ta’sir eta olishga o’rgatish va bahslashish madaniyatini shakllantirishga yo’naltirilgan.
«Tanqid qilishni o’rganing» - tanqid ko’rinishlarining tasnifi, ularni ishlatish yo’llari bilan tanishtirish, tanqidni to’g’ri qabul qilish ko’nikmasi va tanqid qilish madaniyatini shakllantirishga yo’naltirilgan.
«Kelishuv va ziddiyat» - mantiqiy va tanqidiy fikrlash, murosaga kelish mahoratini shakllantirish hamda asosli bahslashish qoidalari bilan tanishtirish, ziddiyatlarni yechishda har kimning o’z uslublarini topa olishlariga ko’maklashishga yo’naltirilgan.