Инструкция для бюджетного заказчика

Ўзбекистон Республикаси Молия вазирлиги;

Ўзбекистон Республикаси Монополияга қарши курашиш қўмитаси.

Ўзбекистон Республикаси Ҳисоб палатаси давлат буюртмачилари томонидан амалга оширилган давлат харидларини аудитдан ўтказади ва аудит натижаларини Ўзбекистон Республикаси Олий Мажлисининг Қонунчилик палатасига ҳар йилнинг якуни бўйича киритадиган ҳисоботида кўрсатади, шунингдек очиқ ахборот манбаларига жойлаштиради.

«Давлат Харидлари тўғрисида»ги Қонуннинг ва давлат харидлари соҳасидаги бошқа қонунчилик ҳужжатларининг тўғри қўлланилиши устидан давлат назоратини қонунчиликка мувофиқ бошқа ваколатли давлат органлари ҳам ўз ваколатлари доирасида амалга оширади.

Давлат харидлари соҳасидаги ислоҳотлар

Давлат харидлари тизимини доимий равишда такомиллаштириб бориш, давлат харидларини амалга ошириш жараёнларига замонавий ахборот техналогияларини кенг жорий этиш орқали инсон омили аралашувини камайтириш, очиқлик ва шаффофликни таъминлаш бугунги кунда соҳадаги энг долзарб масалалардан бири ҳисобланади.

Давлат харидлари соҳасидаги ваколатли орган сифатида Молия вазирлиги томонидан тизимни ривожлантиришнинг аниқ стратегиясини белгилаб олиш мақсадида Ўзбекистон Республикаси Вазирлар Маҳкамаси томонидан 2019-йил 5-февралда “Давлат харидлари тизимини янада такомиллаштириш бўйича чора-тадбирлар режаси” ишлаб чиқилган.

Давлат харидлари соҳасидаги ислоҳотлар

Чора тадбирлар режасида бажарилиши лозим бўлган асосий вазифалар йўналишларга ажратилган ҳолда аниқ белгилаб олинди. Давлат харидлари соҳасини такомиллаштиришга қаратилган асосий вазифалар қуйидаги йўналишлар бўйича амалга ошириладиган чора-тадбирлар сифатида белгилаб олинди:

Биринчи йўналиш – сифатида тизимни тартибга солишни меъёрий-ҳуқуқий жиҳатдан такомиллаштириш аниқланган бўлиб, мазкур жиҳат соҳани ривожлантиришда энг муҳим ҳисобланади ва асосий меъёрлар, тартиб ва қоидаларни белгилайди.

Иккинчи йўналиш – вазирлик ва идоралар билан давлат харидлари соҳасида ўзаро ҳамкорлик алоқаларини йўлга қўйиш. Давлат харидлари бўйича ягона маълумотлар базасини яратиш мақсадида мутасадди вазирлик ва идоралар билан ўзаро ахборот алмашинувини йўлга қўйиш орқали тегишли маълумотлар алмашинуви таъминланади, бу эса, ўз навбатида давлат харидлари жараёнларини янада соддалаштириш имконини яратади.