Inson va tuproq” kitobi “Jayron” ekologik markazi

Ichimlik suvi-

Ichki a`zo-

Igna-

Ildiz meva-isteʼmol qilinadigan qismi (mevasi) ildizda bo`ladigan ekin (sabzavot)lar mevasi. Ildiz meva o`simliknng ildiz qismida yetiladi. Ular sersuv va sershira bo`ladi. Ildiz meva beradigan o`simliklar ildizmevali o`simliklar deyiladi. Ko`pgina ildizmevali o`simliklar oziq-ovqat va yem-xashak ekini hisoblanadi. Bir rediska, sabzi, lavlagi, sholg`om, turp va boshqalar kiradi. Ildiz meva juda foydalui bo`lib, ular xomligicha ham, pishirilib ham iste`mol qilinadi. Ildiz meva tarkibida shakar, kraxmal, vitaminlar to`planadi.

Ildiz- o`simlikning tuproq ichiga tarqalib, uni tutib turadigan va tuproqdagi suv hamda oziq moddalarini so`rib, o`simlikni ta`minlab turadigan qismi. Ba`zi o`simliklarning ildizida zaxira oziq moddalar to`planadi. Ildizning o`ziga xos xususiyati shundaki, u barg chiqarmaydi. Ildizlar shakli va o`lchami jihatidan bir-biridan farq qiladi. O`simliklarning turiga, mtuproq-iqlim sharoitiga qarab ildizlar kalta, uzun, ingichka yoki yo`g`on, yassi yoki yumaloq va boshqa shakllarda bo`ladi.ayrim daraxtlarning ildizi 50-60 m gacha yetadi.

Ildizkurtak- tugunakli o`simliklarning tugunaklaridagi chuqurcha joy. Ildizkurtakdan yaxshi iqlim sharoitida yangi novdalar o`sib chiqadi. Tugunaklarda ildizkurtak o`rni ko`rinib turadi. Kurtaklarning ko`p qismi tugunakning uchiga yaqinroq joylashadi. Shuning uchun ham novdalar uchki kurtaklardan o`sa boshlaydi.

Ildizpoya-o`simlikning yer ostidagi qismi. Unda qo`shimcha ildiz, shakli o`zgargan barg va kurtaklar bo`ladi. Bu kurtaklardan qulay sharoitda yangi yerusti poya o`sib chiqadi. Bunday o`simliklarni ariq bo`ylarida, zax yerlarda, o`simliklar orasida, paxtazorlarda ko`plab uchraydi.ildizpoyalarda ham kraxmal va boshqa oziq moddalar to`planadi. U o`simlikning ko`payishi uchun xizmat qiladi.