Inson va tuproq” kitobi “Jayron” ekologik markazi

Zubturum-(Plantago major)bir yillik, ikki yillik va ko`p yillik o`tlar turkumiga kiradi. Zubtrumning 260 ga yaqin turi ma`lum. O`zbekistonda bu o`simlikning oltita turi uchraydi. 4 turidan dorivor o`simlik sifatida foydalaniladi. Barglari ildiz bo`g`zida to`p bo`lib joylashgan, bandli, keng tuxumsimon yoki keng ellipssimon, nashtarsimon va tasmasimon bo`ladi. Gullari poya va shoxlari uchida oddiy boshoq hosil qiladi. Mevasi ikki yoki ko`p urug`li. Bargidan tayyorlangan damlama juda foydali bo`lib, oshqozon-ichak kasalliklarini, yaralarni davolashda, urug`ining shilimshiq eritmasi esa kuchsiz surgi sifatida ishlatiladi.Zubturum yo`l chekkalarida, ariq, daryo, buloq bo‘ylarida, bog`larda, botqoqliklarda, dalalarda, ekinzorlarda, toshloqlarda, o‘rmon chetlarida o‘sadi.