Inson va tuproq” kitobi “Jayron” ekologik markazi

Hudud-

Husayni- xalq seleksiyasida yetishtirilgan oʻrtapishar xoʻraki uzum navi. Uning vatani Oʻrta Osiyo. Husayni uzum navi Oʻzbekiston, Tojikiston, Turkmaniston, Rossiyaning Stavropol oʻlkasi va boshqa joylarda tarqalgan. Gʻujumlarining shakliga qarab bir necha xillarga boʻlinadi. Moʻrchamiyon husayni, kelinbarmoq husayni, qizil husayni, loʻnda husayni (kadu husayni) xillari, ayniqsa koʻp tarqalgan. Tupi kuchli oʻsadi. Bargi oʻrtacha, toʻgarak, 3—5 boʻlmali bo`ladi, oʻrtacha kertikli, usti silliq, mayin bo`ladi. Uzumi avgust - sentabrda pishadi. Uzum boshi yirik, konussimon, sershingil, ogʻirligi oʻrtacha 300 — 350 g (ayrimlari 1 kg gacha). Gʻujumi oʻrtacha va yirik, tuxumsimon yoki silindrsimon, poʻsti yupqa, sargʻish-yashil, karsillaydi, sershira. Husaynining oʻsuv davri 153 kun. Hosildorligi juda yaxshi. Sovuqqa va qurgʻoqchilikka chidamsizroq. Yangiligida yeyiladi, mayiz qilinadi. Saqlashga, uzoq joylarga yuborishga chidamli. Oʻzbekistonning barcha viloyatlarida yetishtiriladi.