Инновация: фан, таълим, технология

 
ЦИТРУС ЭКИНЛАРИНИНГ МЕВАЛАРИНИ ТУЗИЛИШИ ВА ТАРКИБИ 
 
М.М. Икрамова* - доц., М. Р.Тошматов** - магистрант, Қ.Т. Тожибоев*- проф. 
*Андижон давлат университети, **ТошДАУ Андижон филиали 
 
Цитрус экинларнинг мевалари махсус ботаник ном – гесперидиумдеб аталади. Улар 
тугунча уяси ичида ўсувчи ва мевабаргнинг ички деворларида ҳосил бўладиган 
ўсимталардан иборат серсув эт ва қалин пўстли мева ёнлигига эга бўлган кўп уяли реза 
мева ҳисоб-ланади. Мева пўстида иккита қатлам бўлади. Ташқи рангли қатлам флаведо 
ёки эпикарп, ички оқ қатлам эса альбедо ёки мезокарп деб аталади. Флаведода пигмент 
тутувчикўплаб эфир безларива хроматофор-пластидалармавжудбўлади. Альбедонингғовак 
тўқимаси нотўғри шаклли йирик ҳужайралардан иборат 
Ҳар хил тур ва навларда альбедо ва флаведонинг ўзаро нисбати бир хил эмас. 
Мандаринда флаведо жами пўстлоқнинг 50% ини, Новогрузинский лимонида эса 25% ни 
ташкил этади. Жами пўстнинг қалинлиги мандарин ва лаймда кичик – 3-5 мм гача, аммо 

---

36 
шеддок ва цитронда унинг қалинлиги 3-5 см гача боради. Меванинг ўлчами ва 
ривожланишига боғлиқ равишда цитрусларда мева вазнининг 14 дан 48% гача қисми 
пўстлоқ улушига тўғри келади. 
Цитрус меваларнинг эти алоҳида сегментлар ёки бўлмалардан иборат. Бўлинмалар 
сони навнинг нисбий барқарор кўрсаткичи бўлиб (8-14 тагача), у навни тавсифлашда 
қўлланилиши мумкин. 
Мева марказидаги ўқ бўшлиғи пўкаксимон оқ тўқима билан тўлади. Лимон 
меваларида у барча бўшлиқни эгаллаб олади ва у мева асоси, бўлмалари ва пўстлоқ билан 
мустаҳкам бирикади. Апельсин ва мандариннинг пишган меваларида мазкур тўқиманинг 
ҳажми кичраяди ва бу ерда бўшлиқ ҳосил бўлади. Таркиби бўйича ўқ бўшлиғининг 
пўкаксимон тўқимаси пўстлоқ альбедосидан фарқланмайди. 
Эт бўлмалари ярим шаффоф плёнка (мембрана) билан қопланган бўлади. 
Мембрананинг сув ва унда эриган моддаларни ёмон ўтказиши сабабли, озуқа 
элементларининг қўшни сегментларга ҳаракатланиши қийинлашади. Алоҳида 
бўлмаларнинг қуруқ моддалар миқдори бўйича фарқланиши мана шу ҳолат билан 
тушунтирилади. 
Ҳар бир бўлма жуда кўп шарбатли қопчалардан ташкил топади, қопчаларнинг ўлчами 
ҳар хил цитрусларда турличадир. Энг йирик шарбатли қопчалар шеддокда кузатилади, шу 
сабабли унда қопчалар бир-биридан осон ажралади. 
Цитрус экинлар меваларининг ранги икки гуруҳ пигментларнинг бўлишига 
боғлиқдир: ёғда эрувчи (хлорофилл ва каротиноидлар) ва сувда эрувчи (антоциан). 
Биринчиси асосан пластидаларда, антоциан эса ҳужайра шарбатида бўлади. 
Хлорофилл мавжудлиги туфайли намоён бўлиб турган яшил ранг мева пишган сари 
хлорофилл молекулаларининг парчаланиши натижасида аста-секин йўқолиб боради. 
Хлорофиллнинг парчалани-шида ҳарорат шароитлари ҳал қилувчи рол ўйнайди – 
ҳароратнинг пасайиши ёки иссиқ ва совуқ об-ҳавонинг навбатлашиб келиши. Айрим 
олимларнинг кузатишларига кўра, Флоридада эртаги ва ўртаги апельсин навларида мева 
рангининг ўзгариши ҳарорат +15
0
С дан пасайгандан кейингина бошланади. Тропик 
ҳудудларда ҳарорат етарлича юқори бўлганда мевалар ўзининг яшил рангини ҳатто тўлиқ 
пишиб етилганда ҳам сақлаб қолади. Агар пишган мевалар дарахтида иссиқ ойларда 
қолдирилса, улар хлорофиллнинг ресин-тези натижасида яна яшил ранга кириб олиши 
мумкин. Калифор-нияда ҳарорат шароитларига боғлиқ равишда пишган апельсин 
меваларида бир неча бор рангининг ўзгарганлигини олимлар кузатишган. 
Етилган апельсин ва мандарин меваларидаги тўқ сариқ ранг флаведода 
каротиноидларнинг тўпланишига боғлиқдир. Уларнинг миқдори пишган апельсин пўстида 
136 дан 350 мг/кг гача ўзгаради. Шарбатда каротиноидлар анча кам бўлади. 
Апельсиннинг айрим навларида этининг қизил рангда бўлиши сувда эрувчи антоциан 
пигменти сабабли юзага келади. Грейпфрутнингпушти этли навида (Фостер) асосий 
пигмент помидорлардаги сингари ликопин ҳисобланади. 
Қанд ва органик кислоталар мева шарбатининг асосий компонентлари ҳисобланади, 
уларнинг улуши умумий эриган моддаларнинг 85% ига тўғри келади. Ширин таъмли 
цитруслар мевасида қанд тўпланади. Бинобарин апельсиннинг айрим навларида мева 
шарбатида қанднинг миқдори 15% гача боради. Лайм ва лимонда эса аксинча, қанд жуда 
кам миқдорда бўлиб (0,76-3,2%), органик кислоталар устунликка эга бўлади. Пишган 
апельсин меваларида моносахар ва сахарозанинг миқдори деярли бир хил, тўлиқ пишган 
мандаринда эса сахароза кўпроқ бўлади. Лимон ва лаймда қандлар асосан моносахарлар 
кўринишида ифодаланади. 
Цитрус меваларнинг пўстида қандлар кўп миқдорда тўпланади (қуруқ вазнга нисбатан 
21-41%), шу боис улар ҳар хил моддалар олиш учун қимматли хом ашё ва чорва учун 
яхши углеводли озуқа бўлиб хизмат қилиши мумкин. 

---

37 
Органик кислоталар ичида цитрусларда лимон кислотаси энг кўп миқдорда, олма 
кислотаси эса бироз камроқ бўлади. Мевалар пишиб етилганда лимон кислотасининг 
тўпланиши лимон ва лаймда ортади, ширин цитрусларда эса пасаяди.
Қанд ва кислотанинг нисбати (ёки эрувчан қуруқ моддалар /кислоталар) апельсин, 
мандарин ва грейпфрутнинг таъмини белги-ловчи асосий сифат мезони ҳисобланади. 
Кўпгина мамлакатларнинг стандарти бўйича энг минимал нисбат 8:1 деб белгиланган. 
Лимон ва лаймда қанддорлик аҳамиятга эга эмас, уларда лимон кислотасининг миқдори 
асосий сифат кўрсаткичи ҳисобланади. 
Цитрус меваларда, хусусан пўсти ва сегмент мембраналари таркибида гесперидин ва 
нарингин кўринишида учровчи флавоноидлар жуда кўп миқдорда бўлади. 
Цитрус мевалар юқори таъм, озиқавийлик, шифобахшлик ташишга яроқлилик ва 
яхши сақланувчанлик хусусиятларига эга ҳисобланади. Бундан ташқари улар каротин 
(провитамин А), тиа-мин (В
1
), рибофлавин (В
2
), ниацин (РР), токоферол (Е) каби қатор 
витаминларнинг ажойиб бирикмаси, шунингдек фойдали қандлар, лимон кислотаси, 
минерал тузлар ва хушбўй моддаларга эга. Цитрус меваларнинг пўстида юрак-қон томир 
тизими касалликларининг олдини олувчи ва даволовчи шифобахш моддалар, шу 
жумладан Р витамини ва кислоталар мавжуд. Цитрус мевалари таркибида юқумли 
жароҳат ва яраларни даволашда қўлланиладиган фитонцидлар, шунингдек қимматли 
биологик 
фаол 
моддалар, 
шу 
жумладан 
инсоннинг 
қон 
томирларининг 
мустаҳкамланишига фаол таъсир кўрсатувчи гесперидин кўпдир. 
Цитрус мевалар пектинга ҳам бойдир. Улар айниқса мева пўстида кўп бўлиб, 
уларнинг улуши жами қуруқ моддаларнинг 20-40% ини ташкил этади. Шу сабабли цитрус 
экинлар кўплаб етиштириладиган давлатларда цитрус меваларнинг пўсти истеъмол 
пектинни олишда асосий хом ашё ҳисобланади. 

АДАБИЁТ 
1. Данков В.В. Субтропические культуры. II – Цитрусовые культуры. Санкт-

Петербург, 2000. 
2. Ғуломов Б.Х., Исломов С.Я., Нормуратов И.Т. Цитрус экинларини етиштириш
технологияси Тошкент 2011 й. 
3. В.С.Федоренко. Практикум по субтропическим и тропическим плодовым
культурам. Киев, 1983. 
4. Цитрусоводство.Текст лекции. ТашГАУ, Т., 2002. 
5. Цитрус экинлари. Услубий қўлланма. ТошДАУ, Т., 2004.