Инновацион таълим технологиялари: моҳияти, турлари ва назарий асослари

Муаммоли таълим технологиялари

Таърифи	талабаларда ижодий изланиш, кичик тадқиқотларни амалга ошириш, муайян фаразларни илгари суриш, натижаларни асослаш, маълум хулосаларга келиш каби кўникма ва малакаларни шакллантиришга хизмат қиладиган таълим технологиялари
Турлари:	Муаммоли баён, эвристик суҳбат, муаммоли намойиш, изланишга асосланган амалий машғулот, ижодий топшириқ, хаёлий муаммоли тажриба, муаммо фаразларини шакллантириш, масалаларни муаммоли ечиш (оптимал вариантларни танлаш), муаммоли вазифа, муаммоли ўйин

Муаммоли таълим асосини муаммо (юн. “тўсиқ”, “қийинчилик”) ёки муаммоли вазият ташкил этиб, муаммоли ТТ уларнинг ечимини топишга хизмат қилади. Муаммо ва муаммоли вазият синонимдек қабул қилинса-да, улар бир-биридан фарқ қилади. Педагогик муаммо – ҳал қилиниши зарур, бироқ, ҳали ечиш усули номаълум бўлган педагогик характердаги масала
Муаммоли маъруза муаммоли таълимда энг кўп қўлланиладиган ўқитиш шакли саналади. Муаммоли маъруза – ўқитувчи томонидан талабани муаммоли вазият, муаммоли масалани ҳал этишга йўналтириш орқали унда билиш фаоллигини оширишга йўналтирилган маъруза
Муаммони қўйиш босқичлари:	1. Муаммони излаш. 2. Муаммони қўйиш. 3. Муаммони ҳал қилиш
Муаммонинг таркибий қисмлари:	1) маълум билимлар; 2) номаълум билимлар; 3) мавжуд тажриба.
Муаммони ҳал қилиш босқичлари:	1) исботлаш; 2) текшириш; 3) асослаш

Муаммоли вазият методи – талабанинг маълум топшириқларни бажариш (масалани ечиш, саволга жавоб топиш) жараёнида юзага келган зиддиятни англаши билан боғлиқ руҳий ҳолати бўлиб, у ҳал этилаётган масала билан боғлиқ янги билимларни излашни тақозо этади