Инновацион фаолиятни венчурли молиялаштиришнинг халқаро

ИҚТИСОД ВА МОЛИЯ / ЭКОНОМИКА И ФИНАНСЫ 2019, 1(121)
маҳорати, стратегия ва ресурсларини қўллаш 
имкониятига ишонганликлари учун танлайди­
лар.
2. Венчур капиталининг оммавий фондлари. 
Одатда венчур фонди мустақил менежер томо­
нидан бошқарилувчи молиявий «қозон» вазифа­
сини ифодалайди. Бошқариладиган компания 
бирор молиявий тузилма ёки унда ишловчи 
ижрочи директорларга тегишли бўлади. Фонднинг 
ўзи қимматли қоғозлар, улуш ёки чекланган 
масъу лият билан иштирок этувчи ташқи инвестор­
ларга тегишли бўлади. Ўз навбатида фонд портфел 
эгалари бўлган тадбиркор ёки корхоналар томо­
нидан молиялаштирилади.
1
3. Корпорацияларнинг венчур капитали. 
ХХ асрнинг иккинчи ярмида АҚшда 50 дан ортиқ 
йирик корпорация ўзининг инвестицион 
«қозон»и ни ташкил қилган. Кейинчалик корпо­
рацияларнинг стратегиялари фаолияти ва ман­
фаатлари тўқнашувлари натижасида уларнинг 
сони ўзгара борди. Бундай венчур фондлар ҳам 
ёпиқ фондлар каби фаолият олиб боради. Аммо 
«ёпиқ фондлар» ва корпорацияларнинг фондлари 
ўртасида уларнинг мақсадларига кўра тафовут 
бўлиши мумкин.
4. Инвестицион банкларнинг венчур капита-
лига асосланган фондлар. АҚшда аллақачон 
1
Манба: PwC | CB Insights MoneyTree™ Report Q4, 
2017
инвес тицион банк фирмалари ўсаётган компа­
нияларни молиявий қўллаб­қувватлашда муҳим 
роль ўйнаб келмоқда. Хозирда улар венчур капи­
тали доирасида ҳам ҳаракатланмоқда. Инвести­
цион банклар илгари одатда компанияларнинг 
қимматли қоғозларини юридик ва жисмоний 
шахс ларга сотиб молиялаштиришнинг охирги 
босқичларида капитал киритарди.
5. Индивидуал инвесторлар. Индивидуал 
инвес торлар ҳам АҚшда рағбатлантирувчи куч 
ҳисобланади. Бизнес масштаби жуда кичик 
бўлганда, энди иш бошланган ғоя (ёки стартап) 
эгаси учун қариндошлари, яқин дўст, қўшни каби­
лар инвестор ролида намоён бўлади. Индивидуал 
инвесторларнинг муҳим аҳамияти шундан ибо­
ратки, инвестицион компаниялар ёки фондлар 
илғамайдиган, келажаги ноаниқ бўлган ғоя учун 
таваккал қилишдан бош тортган вақтларда ғоя 
эгасининг яқинлари уни молиявий қўллаб­ қувват­
лашлари ва «пиллапоя» ролини бажаришлари 
мумкин.