Infuziya va transfuziya

Qon vena punksiya yo‘li bilan tirsak venasidan stabilizatsiya qiladigan eritma bilan to‘ldirilgan maxsus bankalarga, ampula- larga yoki polietilen xaltalarga olinadi. Stabilizatsiya qilinadigan eritma: a) sitrat-tuzli eritma (0,5 g natriy sitrat, 0,85 g natriy xlorid, 100 ml distillangan suv); 100 ml qonga shuncha miqdorda eritma qo‘shiladi. Bunday qonni saqlash muddati 12 sutka; b) 5— 6% li natriy sitrat eritmasi; 100 ml qonga 10 ml eritma olinadi.

Saqlash muddati 15 sutka; d) glukoza-sitrat eritmasi (5 g natriy sitrat, 25 g glukoza, 100 ml distillangan suv); 100 ml qonga 10 ml sitrat eritmasi va 1 mg glukoza olinadi. Saqlash davomiyligi

sutkagacha.

Konservalashning hamma hollarida konservant sifatida qonga birorta antibiotik yoki qonni parchalaydigan antiseptik qo‘shiladi.

Qon olib bo‘lingandan so‘ng idish germetik bekitiladi va unga qon guruhi, olingan vaqti, konservalash xususiyati va donorning familiyasi yozilgan etiketka yopishtiriladi. Qon rezus-manfiy bo‘lganda etiketkaga bu haqda yozib qo‘yiladi, rezus-musbat qonga esa buning hojati yo‘q. Qon muzlatgichda 4—6°C li haroratda saqlanadi.

QON QUYISH USULLARI

To‘g‘ridan to‘g‘ri qon quyish. Qon donor venasidan retsipiyent venasiga bevosita quyiladi. Bemor og‘ir ahvolda bo‘lganida bu juda ta’sirchan usul hisoblanadi (to‘satdan ko‘p miqdorda qon yo‘qotish, sepsis, gemofiliya).

Bilvosita qon quyish. Donor qoni avval maxsus idishlarga yig‘iladi, stabilizatsiya qilinadi, konservalanadi va keyinchalik zarur bo‘lganda quyiladi.

Qon quyishning quyidagi usullari mavjud:

venaga qon quyish — ko‘p qon yo‘qotilganda qon oqim qilib yoki bemorning holati imkon berganda va ko‘p miqdorda (1—1,5 I) qon quyish talab etilganda tomchilab (1 daqiqada 20—30 tomchidan) quyiladi;

arteriyaga qon quyish — klinik o‘lim holatidagi yoki shunga yaqin holatdagi bemorlarga qon bosim ostida quyiladi;

suyak ichiga qon quyish — qon suyakning g‘ovak moddasiga (to‘sh suyagi, tovon suyagi, yonbosh suyak qanoti va boshqalarga) quyiladi. Venaga texnik jihatdan qon quyish qiyin bo‘lganda, masalan, bolalarda qo‘llaniladi;

• suyak ichiga qon quyish — qon suyakning g‘ovak moddasiga (to‘sh suyagi, tovon suyagi, yonbosh suyak qanoti va boshqalarga) quyiladi. Venaga texnik jihatdan qon quyish qiyin bo‘lganda, masalan, bolalarda qo‘llaniladi;
• almashtirib qon quyish — qon olib, o‘rniga donor qonini quyish—gemolitik zaharlanganda, ovqatdan va dorilardan za- harlanishlarda qo‘llaniladi;
• qayta qon quyish (reinfuziya, autotransfuziya) bemorning seroz bo‘shliqqa oqib tushgan o‘z qonini, masalan, taloq, ichak- tutqich yirtilganda quyish (oqib tushgan qon yig‘ilib, natriy sitrat shimdirilgan 4 qavat dokadan filtrlab o‘tkaziladi);
• murda qonini quyish (noinfeksion kasalliklar — miyaga qon quyilishi, og‘ir shikastlanish sababli miokard infarktidan o‘lgan kishilarning jasadidan olinadi). Murda qoni ivimaydi, shu- ning uchun uni stabilizatorsiz (fibrinogen yo‘qligi) ko‘p miqdorda tayyorlanadi