Информатика ва ахборот технологиялари”

Short annotation of the case study
The development of the world economy will be influenced by cognitive factors (from the Latin word "cognitio" - "knowledge", "thinking") and the economy of economy, production based on nanotechnology and biotechnology. This leads to a sharp increase in the amount of information required to develop and make management decisions in the economy. As a result, the knowledge of the staff and the level of development of information and communication and Internet technologies in each country determines its development and competitiveness. Therefore, the state programs for the development of the Republic of Uzbekistan have developed a set of normative and legal documents, including the concepts of "Smart City", "Smart Neighborhood", "Smart Home" and "Smart Power", and their effective application in practice is a requirement of the times.


Кириш
Битирув иши мавзусининг долзарблиги ва унинг асосланиши.
Олий таълим тизимида рақобатбардош, кадрларни тайёрлаш борасида ва уларни ташкилий-иқтисодий механизмларини ривожлантиришнинг илмий асосларини тадқиқ этиш борасида улкан ишлар амалга оширилмоқда. Бирлашган Миллатлар Ташкилотининг 2030 йилгача мўлжалланган барқарор ривожланиш концепциясида “таълим тизимини бошқариш, таълим сифатини баҳолаш жараёни ва воситаларини такомиллаштириш механизмларини амалиётга жорий этиш” долзарб вазифа этиб белгиланган.
Жаҳон банки маълумотларига кўра, “инсон капитали” дунё миллий бойлигининг 64 фоизини ташкил этади. Бу кўрсаткич Иқтисодий ҳамкорлик ва тараққиёт ташкилотига аъзо юқори даромадли мамлакатларда 70 фоиз, ўрта юқори мамлакатларда 58 фоиз, қуйи даромадли мамлакатларда 41 фоизни ташкил этмоқда. Олий таълимнинг миллий иқтисодиёт ривожланишига таъсири инновацион тараққиётнинг етакчи омилига айланиб бормоқда. Жаҳондаги етакчи олий таълим муассасаларининг ташкилий ва бошқарув тузилмасини такомиллаштириш борасидаги тажрибасидан мамлакатимиз олий таълим тизимининг сифатини бошқариш механизмида ижодий фойдаланиш таълим сиёсатини ислоҳ этишнинг устувор йўналишларидан бири ҳисобланади.
“BUYUK KELAJAK” халқаро нодавлат нотижорат ташкилотининг “Ўзбекистон Республикасининг 2035 йилгача ривожланиш Стратегиясининг концепцияси”да Ўзбекистон Республикасида ҳар бир ўқувчининг таълимига сарфланган харажатлари бошқа ривожланаётган мамлакатлардаги ўхшаш кўрсаткичларидан нисбатдан пастлиги, таълимга инвестицияларнинг етишмаслиги таълим муассасаларининг моддий-техника базасига салбий таъсир кўрсатгани таъкидланган. Таълим муассасаларида компьютер синфлари етишмовчилиги, 2008 йилдан 2015 йилгача бир талабага бўлган ўртача харажатлар 2 баробар кўпайган бўлсада бу кўрсаткичнинг ҳамон пастлиги қайд этилган¹.
Инсоният йигирманчи аср охирида бир қанча муаммоларга дуч келдики, улар бевосита ахборот телекоммуникация соҳасидаги жиддий ўзгаришлар, хусусан ахборот-коммуникация ва интернет технологияларининг жадал суръатлар билан ривожланишига боғлиқ бўлмоқда. Таълим, ишлаб чиқаришнинг турли жабҳаларига замонавий ахборот коммуникация воситалари кириб кела бошлади. Интернет глобал компютер тармоғини ривожланиши бутун дунё таълим тизимини такомиллаштиришнинг янги йўналишларини очилишига сабаб бўлди. Биринчидан, ўқув муассасаларининг техник таъминотини кескин ўзгариши, дунёвий ахборот ресурсларга кенг йўл очилиши ўқитишнинг янги шакл ва усулларидан фойдаланиш заруратини келтириб чиқарди.
Замонавий ахборот ва коммуникация технологиялари воситаларини таълим жараёнига кириб келиши анъанавий ўқитиш усулларига қўшимча равишда янги ўқитиш шакли - масофавий ўқитиш яратилишига омил бўлди.
Масофавий таълимда таълим олувчи ва ўқитувчи фазовий бир-биридан ажралган ҳолда ўзаро махсус яратилган ўқув курслари, назорат шакллари, электрон алоқа ва Интернетнинг бошқа технологиялари ёрдамида доимий мулоқотда бўладилар. Интернет технологиясини қўллашга асосланган масофавий ўқитиш жаҳон ахборот таълим тармоғига кириш имконини бермоқда.
Юқоридаги фикрлардан келиб чиққан ҳолда бугунги таълим сифати ўзгаришлар асрида ҳар бир қабул қилинаётган қарор, албатта пухта ўйланган ҳамда амалиётга мос келиши керак. Бунда эса ўз навбатида қабул қилинаётган қарорлар доно халқимиз ибораси билан айтганда “етти ўлчаб бир кесилиши” кераклигини унутмаслигимиз лозим. Юқоридаги ҳолатлар биз томонимиздан танланган мавзунинг долзарблигидан далолат беради.