Информатика ва ахборот технологиялари”

Битирув ишининг объекти ва предмети. Мавзунинг объекти таълим сифати самарадорлигини оширишни таъминловчи таълим муассасалари, илмий-тадқиқот марказлари, кадрларни қайта тайёрлаш институтлари, таълим тизимига боғлиқ муассасалар ва бошқа хўжалик юритувчи субъектлардир. Интернет асослари бўйича таълим сифати самарадорлиги, талабаларнинг билим ва кўникмаларини ошириш жараёнларидаги муносабатлар унинг предметини ташкил этади.
Битирув ишининг мақсади ва вазифалари. Битирув ишининг асосий мақсади мамлакатда таълимга интернет технологияларни жорий этиш, уларни самарали бошқариш асосларини шакллантириш, таҳлил этиш мазмун ва моҳиятини очиб беришдан иборат. Ушбу мақсадни амалга ошириш учун қуйидаги асосий вазифаларни ҳал этиш зарур:
-Бошқарув қарорларини мақбуллаштириш усуллари ва уларни бажарилишини ташкил этишни ўрганиш;
-2023 йилга келиб рақамли иқтисодиётнинг мамлакат ялпи ички маҳсулотидаги улушини 2 бараварга кўпайтиришда таълим тизимини сифатли ва бозор талаблари асосида кадрлар билан таъминлаш орқали фаол иштирокини таъминлаш;
-2020-2021 йилларда таълим ташкилотларини юқори тезликдаги Интернет тармоғига улаш ҳамда ахборот-коммуникация воситалари билан таъминлаш;
-Талабаларда дастурий маҳсулотларни ишлаб чиқариш ва технологик майдончалар яратиш кўникмаларини ошириш орқали «рақамли тадбиркорлик»ни ривожлантириш;
-Таълим тизимининг барча босқичларида рақамли технологияларни кенг жорий этиш ва замонавий иқтисодиёт учун зарур бўлган рақамли билимларнинг даражасини ошириш, таълим инфратузилмасини такомиллаштириш мақсадида халқаро ва миллий ОТМлар билан хамкорликни кучайтириш ва бошқалар.
Битирув ишини тайёрлашда фойдаланилган адабиётлар ва норматив ҳуқуқий ҳужжатларнинг қисқача ўзаро таҳлили.
Ўқитишда интернет ва рақамли технологияларни жорий этиш, моддий-техника базасини мустаҳкамлашда ОТМ молиявий ўз-ўзини бошқарувида қарорларни қабул қилишни амалга ошириш ҳамда такомиллаштириш бўйича мухтарам президентимиз Ш.Мирзиёев, хорижий давлат олимларидан Дон Топскотт, McKinsey, R.R. Betancourt, M.Pertlweiser, С.В.Бадальянц, А.Генкин, А.Михеев Ўзбекистонлик олимлардан С.Гулямов, О.Абдуллаев, Р.Аюпов, Р.Эргашев, С.Хамраева, С.Бузрукхонов, С.Мехмонов ва бошқалар тадқиқ этишган.