Informatika fanini o’qitish huquqini berish bo’yicha kasbiy qayta tayyorlash kursining umumkasbiy fanlari tarkibiga kiruvchi

Test savollari
1. Mathcad da vektor elementlarining medianasi qanday topiladi?
a) mode(v)
b) stdev(v)
c) mean(v)
d) *median(v)


2. Mathcad da vektor elementlarining o‘rtacha garmonik qiymati qanday topiladi?
a) cvar(a,b)
b) corr(a,b)
c) *hmean(v)
d) gmean(v)
30-mavzu: Buxgalteriya, iqtisod va boshqa sohalarda qo’llaniladigan dasturlar
(4-soat laboratoriya ishi).
Reja:

• 
  Matn, grafik muharrirlari va protsessorlari.
  
• 
  Ma’lumotlar bazasini boshqarish tizimi. Elektron jadvallar.
  
• 
  Avtomatlashtirilgan loyihalashtirish tizimlari (ALT).
  
• 
  Doimiy nashriyot tizimlari. Ekspert tizimlari.
  
• 
  HTML muharrirlari (Web-muharrirlari). Brouserlar (sharhlovchilar, Web hujjatlarni ko‘rib chiqish vositalari).
  
• 
  Ish yuritishning integrallangan tizimlari.
  
• 
  Hisobchilik (buxgalterlik) tizimlari. Moliyaviy tahliliy tizimlar.
  
• 
  Geoaxborot tizimlari (GAT). Videomontaj tizimlari.
  

Matn muharrirlari. Amaliy dasturlarning bu toifasining asosiy vazifasi matnga ma’lumotlarni kiritish va tahrir qilishdan iboratdir. Ushbu dasturlarning qo‘shimcha vazifalari kiritish va tahrir qilishni avtomatlashtirishdan iboratdir. Ma’lumotlarni kiritish, chiqarish va saqlash amallari uchun matn muharrirlari tizimli dasturiy ta’minotni ishga tushiradi (chaqiradi) va undan foydalanadi.
Matn protsessorlari. matnni kiritish va tahrir qilishgagina emas, balki uni formatlash, ya’ni shakllantirishga imkon yaratadi. Shunga muvofiq ravishda matn protsessorlarining asosiy vositalariga yakuniy hujjatni tashkil etuvchi matn, grafika, jadval va boshqa ob’ektlarni formatlash jarayonini avtomatlashtirish kiradi.
Grafik muharrirlari. Bu grafik tasvirlarni yaratish va ishlov berish uchun mo‘ljallangan dasturlarning juda keng toifasidir (sinfi). Ushbu toifaga rastr muharrirlari, vektor muharrirlari va uch o‘lchamli grafikani (3D-muharrirlari) yaratish va ularga ishlov berish uchun ishlatiladigan dasturiy vositalar kiradi.
Rastr muharrirlari bilan rassomlar an’anaviy usullardan foydalanuvchilar, undan rasmni kompyuterga maxsus apparat vosita (skaner)lari yordamida kiritib, ishni rastr muharriri yordamida maxsus effektlar kiritish yo‘li bilan tugallashni afzal ko‘radilar.
Vektor muharrirlari rastr muharrirlaridan tasvir haqidagi ma’lumotlarni taqdim qilish usuli bilan ajralib turadi. Vektor tasvirining elementar ob’ekti nuqta emas chiziqdir. Bunday yondashuv chiziqlar shakli, uni tashkil etuvchi ayrim nuqtalarning rangi haqidagi axborotga qaraganda ko‘proq ahamiyatga ega bo‘lgan chizmalar va grafiklar bilan ishlash uchun xos. Vektor muharrirlari tasvirlarni yaratish uchun qulaydir. Ulardan reklama sifatida keng qo‘llaniladi, ularni matbaa nashrlarining muqovalarini bezashda va badiiy ishlov berishda, chizmachilikka yaqin bo‘lgan hamma joyda qo‘llash mumkin.
Uch o‘lchamli grafika muharrirlari uch o‘lchamli kompozisiyalarni tuzish uchun ishlatadi. Ular ikkita o‘ziga xos xususiyatga ega. Birinchidan, ular aks ettirilayotgan ob’ektlar yuzasi shakllarini yoritish manbalarining xususiyatlari bilan o‘zaro harakat aloqasini sharoitga moslashtirib boshqarish keng imkon beradi, ikkinchidan uch o‘lchovli animatsiya yaratish imkonini beradi. Shuning uchun uch o‘lchovli grafika muharrirlarini ko‘pincha 3D-animatorlar ham deb ataladi.