Informatika, avtomatlashtirish va boshqaruv

I. TEXNOLOGIK JARAYONLARNI KOMPYUTER DASTURLARI 
ORQALI TAHLIL ETISH 
1.1 Kirish 
Ishlab chiqarish jarayonlari qurilmalar ishlashi orqali aralashuvchi, 
ajratiluvchi, isitiluvchi, sovutiluvchi va kimyoviy reaksiyaga kirishib boshqa bir 
moddaga aylanuvchi kimyoviy komponentlardan tashkil topgan bo'ladi. Ushbu 
komponentlar qurilmadan qurilmaga ma'lum bir o'tkazuvchilar yoki oqimlar 
(stream) yordamida uzatiladi. 
Haqiqiy ishlab chiqarish jarayonini Aspen Plus dasturida o`rganish uchun 
quyidagi ketma-ketlik amalga oshiriladi:
1.
Jarayondagi kimyoviy komponentlarni tanlash. Ushbu komponentlar 
Aspen Plus ma'lumotlar bazasidan olinishi yoki foydalanuvchi tomonidan 
kirirtilishi mumkin.
2.
Jarayondagi komponent va aralashmalarning fizik xususiyatlarini 
nomoyon etuvchi termodinamik modelni tanlash. Ushbu modellar Aspen Plus 
dasturi tarkibida mavjud bo'lib, modellashtirish jarayonida ularni tanlashning o'zi 
kifoya qiladi. 
3.
Jarayonni dasturda izohlash yoki modellashtirish.
Buning uchun quyidagi amallar bajaraladi: 
1.
Jarayondagi qurilmalarni tanlab olish; 
2.
Qurilmadan qurilmaga berilayotgan oqimlarni tanlab olish; 
3.
Aspen Plus Model kutubxonasidan har bir qurilmaning ishlash 
xususiyatlarini tavsiflovchi modellarni tanlab olish va ularni modelga kiritish; 
4.
Belgilangan oqimlarni modelga kiritish va tegishli qurilmalarga ulash. 
5.
Komponent kirishlari qiymatini va termodinamik holatlarini (temperatura, 
bosim va hk.) aniqlash. 

---

7 
6.
Qurilmalar modellarining ishlash sharoitlarini aniqlash.
Aspen Plus yordamida jarayon loyihasini, qurilmalarning ishlash sharoitlari va 
oqim kompozisiyalarini o'zgartirish orqali yangi vaziyatlarni urganishimiz va 
muqobil jarayonlarni tahlil qilishimiz mumkin.
Jarayonlarni modellashtirishdan tashqari Aspen Plus bizga ko'plab boshqa, 
jumladan fizik xossalarni oldindan bilish va regressiyalash, grafik va jadval 
ko'rinishdagi natijalarni olish, haqiqiy ishlab chiqarish va modellashtirish natijalarini 
taqqoslash va moslash, jarayonni optimallashtirish hamda natijalarni elektron 
jadvallar bilan bog'lash kabi imkoniyatlarni taqdim etadi.