Informati va informatikaga iod fanlar jadal su’ratlar bilan rivojlanib bormoqda

Kompakt disk uchun diskyurituvchilar – kompakt diskdan maxsus ma’lumotlarni, ovozli xaritalarni, o’yinlarni, matnlarni o’qish uchun mo’ljallangan. Kompakt disk hajmi 640 Mbaytgacha bo’lib, unga ma’lumotlar oldindan yozilgan bo’ladi.

Strimer – magnit tasmali kassetaga ma’lumotlarni yozish qurilmasi. Qattiq diskdagi ma’lumotlarning nusxasini olib qo’yish uchun strimer keng qo’llaniladi, strimerlar bir-biridan hajmi bilan farq qiladi, ya’ni bitta kassetaga hajmi 20 Mbaytdan 40 Gbaytgacha ma’lumot yozish mumkin.

Printer (chop qilish qurilmasi) – har xil (matnli, grafik yoki rasm) ma’lumotlarni qog’ozga chop qilish uchun xizmat qiladi. Printer qurilmasida ma’lumotlarni qora rangda yoki rangli tarzda chop qilish mumkin.Shu bois printerlar bir-biridan farq qiladi. Printerlarning yuzlab turlari mavjud bo’lib, ular odatda matrisaviy, purkagichli (struynoy) va lazerli bo’ladi.

IBM PC kompyuteri uchun matritsaviy printerlar chop etiladigan ma’lumotlarni nuqtalardan yasaydi. Shu bois uning chop qilish sifati zikr etilgan boshqa turli printerlardan past.

Purkagichli printerlardan ma’lumotlar maxsus siyohdonlar yordamida siyoh tomchilarini purkash bilan chop qilinadi.

Lazerli printer chop qilish sifati yuqori bo’lgan ma’lumotlarni oq- qora yoki ayrimlari rangli chop qilish imkoniga ega bo’ladi. Ko’pchilik dasturlarda chop qilish quyidagi belgi ustida “sichqoncha” tugmasini bosish orqali amalga oshiriladi.