İnformasiya-kommunikasiya texnologiyalarının mahiyyəti və fənnin predmeti

Windows Explorer proqramı (Windows bələdçisi) istənilən qovluğun məzmununa baxmaq üçün nəzərdə tutulan xüsusi bir proqramdır. Belə ki, hər bir qovluğun məzmunu bu proqramın pəncərəsində açılır və elə ona görə də çox vaxt bu pəncərəyə qovluq pəncərəsi deyirlər. Windows Explorer proqramını həm də fayl meneceri adlandırmaq olar. Belə ki, bu proqram fayllarla bağlı ən müxtəlif əməliyyatların yerinə yetirilməsinə imkan verir. Proqramın pəncərəsi. İş stolunda hər hansı qovluq üzərində mausun sol düyməsi ikiqat basıldıqda avtomatik olaraq Windows Explorer proq-ramının (Windows bələdçi-sinin) pəncərəsi açılır və bu pəncərədə həmin qovluğun məzmunu əks olunur . Windows 7 sistemində qovluğun (diskin) adı müvafiq pəncərənin başlıq sətrində əks olunmur. Başlıq ləğv olunduğundan qovluğun pəncərə interfeysi bir az sadələşib. Bununla yanaşı Paint, Notepad (Bloknot), WordPad və bir çox başqa proqramlar öz adını pəncərənin başlıq sətrinə çıxarır.
32. Windows Explorer pəncərəsində fayl obyektlərinin işarələri.
İşarələrin ölçüsünü dəyişmək üçün Bələdçi pəncərəsinin alətlər paneli üzərində yerləşən düyməsindən istifadə edilir. Yəni bu düymənin sağındakı ox ilə açılan siyahıda fayl obyektləri işarələrinin pəncərələrdə əks olunma rejimləri verilir. Buradan aşağıdakı variantları seçmək olar: 1. Extra Large Icons; 2. Large Icons; 3. Medium Icons; 4. Small Icons; 5. List; 6. Details; 7. Tiles; 8. Content. Windows Explorer (Windows Bələdçi) pəncərəsində fayl obyektlərinin idarə olunması üçün həm də filtrləmə (filtrasiya) əməliyyatından istifadə edilir. Filtrləmə qovluq pəncərəsində yalnız müəyyən kriteriyaları ödəyən fayl obyektlərinin əks olunmasına imkan verir. Yəni filtrləmə rejimində yalnız müəyyən şərtləri ödəyən faylları seçərək ekrana çıxarmaq olar. Bu imkandan istifadə etmək üçün əvvəlcə tələb olunan kriteriyaya uyğun filtri quraşdırmaq lazımdır. Bunun üçün aşağıdakı addımlar ardıcıl icra olunur: 1. Qovluq pəncərəsinin məzmunu cədvəl rejimində əks etdirilir; 2. Zəruri sütun başlığının sağındakı ox işarəsi üzərində mausun sol düyməsi basılır və açılan siyahıdan bir və ya bir neçə filtrləmə kriteriyası seçilir 3. Seçilmiş filtrləmə kriteriyasının tətbiq edilməsi üçün Enter düyməsi və ya pəncərənin boş yerində mausun sol düyməsi basılır.