İnformasiya-kommunikasiya texnologiyalarının mahiyyəti və fənnin predmeti

30.Qeydiyyat yazılarının növləri.
Qeydiyyat yazılarının üç növü var. Bunların hər biri kompüteri idarə etmək üçün istifadəçiyə fərqli imkanlar verir:1) Administrator - Kompüterə tam nəzarət hüququ olan administrator qeydiyyat yazısı. 2)Standard user - Adi (məhdud imkanlı) qeydiyyat yazısı.3) Guest. İstifadəçinin qeydiyyat yazısını yaratmaq və redaktə etmək üçün İdarəetmə panelindən User Accounts and Family Safety (İstifadəçilərin qeydiyyat yazıları və ailə təhlükəsizliyi) kateqoriya qrupuna daxil olaraq User Accounts (Qeydiyyat yazıları) bəndini seçmək lazımdır. Bu zaman qeydiyyat yazılarının idarə olunması üçün istifadə olunan xüsusi dialoq pəncərəsi açılır. Bu pəncərəni həm də Baş menyuda sağ sütunun yuxarısında yerləşən istifadəçinin öz qeydiyyat yazısının işarəsi üzərində mausun sol düyməsini basmaqla açmaq olar.Cari qeydiyyat yazısının parolu varsa, baxılan pəncərədəki rejimlər sırasında Öz parolunu dəyişmək və Öz parolunu ləğv etmək rejimləri də əks olunacaq. Yeni qeydiyyat yazısı yaratmaq üçün bu pəncərədə Create a new account (Yeni qeydiyyat yazısı yaratmaq - Создание учетной записи) bəndi seçilir. Bu addımda açılan pəncərədə qeydiyyat yazısı üçün ad daxil edilir və tip seçilir. Bunun ardınca Create Account (Qeydiyyat yazısının yaradılması) düyməsi basılır. Bununla da yeni qeydiyyat yazısı yaradılmış olur. Belə ki, mövcud qeydiyyat yazıları siyahısında yeni yaradılmış qeydiyyat yazısı öz adı və işarəsilə əks olunur. İstifadəçinin öz qeydiyyat yazısının sazlanması Yuxarıda qeyd etdik ki, qeydiyyat yazılarını redaktə etmək (parametrlərini dəyişmək) üçün İdarəetmə panelindən istifadə etməklə və ya Baş menyuda cari istifadəçinin qeydiyyat yazısının işarəsi (şəkli) üzərində mausun sol düyməsini basmaqla açılan xüsusi pəncərədən istifadə edilir. İndi isə göstərilən pəncərədə istifadəçinin öz qeydiyyat yazısını sazlaması üçün nəzərdə tutulan rejimlərə nəzər salaq. 1. Əgər qeydiyyat yazısı parolla qorunmursa, Create a password for your account (Öz qeydiyyat yazısı üçün parol yaratmaq -) rejimi üzərində sol düymə basılır. Bunun ardınca parol daxil edilir və təsdiqlənir. 2. Əgər qeydiyyat yazısı parolla qorunursa, pəncərədə həm də Change your password (Öz parolunu dəyişmək -) və Remove your password (Öz parolunu ləğv etmək -) rejimləri əks olunacaq. Bu rejimlər vasitəsilə müvafiq əməliyyatları yerinə yetirmək olar. Parolu dəyişmək üçün köhnə parolun daxil edilməsi tələb olunur, ardınca da yeni parol daxil edilir və təsdiqlənir 3. İstifadəçi öz qeydiyyat yazısının işarəsini dəyişmək üçün Change your picture (Öz şəklini dəyişmək) rejimindən istifadə edir. İstifadəçi öz qeydiyyat yazısının şəklini (işarəsini) istənilən başqa şəkillə əvəz edə bilər. 4. İstifadəçi istənilən vaxt öz qeydiyyat yazısının adını dəyişdirə bilər.. Öz qeydiyyat yazısının adını dəyişmək üçün Change your account name (Öz qeydiyyat yazısının adını dəyişmək) rejimindən istifadə edilir. 5. İstifadəçi öz qeydiyyat yaısının tipini dəyişə bilər. Bunun üçün baxılan pəncərədə Change your account type (Öz qeydiyyat yazısının tipini dəyişmək –) rejimindən istifadə olunur. 31.Windows bələdçisinin interfeys elementləri.