Indoneziyaning Jakarta va Palembang shaharlarida hisob bo‘yicha XVIII osiyo o‘yinlari tantanali ochildi

O‘zbek kurashi Osiyo o‘yinlari dasturiga kiritildi.

Turkmaniston poytaxti Ashxobodda bo‘lib o‘tayotgan Osiyo Olimpiya kengashi bosh assambleyasida o‘zbek sporti uchun tarixiy voqea sodir bo‘lgan.

O‘zbekiston Milliy olimpiya qo‘mitasidagi manbaning KUN.UZ ga ma'lum qilishicha, Assambleyada o‘zbek milliy kurashi 2018 yilgi 18-Osiyo o‘yinlari dasturiga kiritilgani haqida qaror qabul qilingan.

Eslatib o‘tamiz, 2018 yilgi Osiyo o‘yinlari 18 avgustdan 2 sentabrga qadar Indoneziya poytaxti Jakarta va Palembang shaharlarida bo‘lib o‘tadi. Unda O‘zbek kurashi bilan qo‘shib hisoblaydigan bo‘lsak, 43 sport turi bo‘yicha bahslar bo‘lib o‘tadi.

O‘zbekiston 2030 yilgi Osiyo o‘yinlari mezbonligi bo‘yicha loyiha taqdimotini tayyorlashga kirishdi

Xabar berib o‘tganimizdek, shu kunlarda Osiyo Olimpiya Kengashi prezidenti Shayx Ahmad Al-Fahad Al-Sabax yurtimizda mehmon bo‘lib turibdi. Unga tashrif davomida Xalqaro kurash assotsiatsiyasi prezidenti, OOK Osiyo o‘yinlari departamenti direktori Haydar Farmon va OOK kotibi Lyusen Alvarez hamrohlik qilmoqda.

Bugun, 25 fevral kuni Milliy olimpiya qo‘mitasi prezidenti Umid Ahmadjonov Osiyo Olimpiya Kengashi prezidenti Shayx Ahmad Al-Fahad As-Saboh bilan uchrashuv o‘tkazdi. Uchrashuvda AIBA prezidenti G‘ofur Rahimov ham ishtirok etdi. MOQ axborot xizmati xabariga ko‘ra, unda tomonlar 2030 yilgi Osiyo o‘yinlarini O‘zbekistonning Toshkent hamda Samarqand shaharlarida o‘tkazish masalalarini muhokama qilishdi.

Uchrashuv davomida, shuningdek, yirik kompleks musobaqa uchun yangi sport inshootlari va Olimpiya shaharchasini qurish, logistika, qulay transport marshruti, yuqori saviyadagi tadbirlarni tashkil qila olish mexanizmi, o‘yinlar translatsiyasi va boshqa masalalar yuzasidan fikr almashildi.