Ҳимояга рухсат этилди “Туризм ва сервис” кафедраси мудири, доцент М. Амонбоев

Учинчи боб бўйича хулоса
Замонавий ахборот технологияларни ривожланиши билан иқтисодиёт ва фаннинг бошқа соҳаларидаги, шу жумладан туризмда турли масалалар бўйича мавжуд бўлган маълумотлар концентрация қилинган ва умумлаштирилган, ахборот ресурслардан фойдаланиши ташкил этилиши инсон фаолиятини интеллектуал ва иқтисодий соҳасига катта таъсир ўтказмоқда. Туристик фирмани самарали бошқаруви авваломбор ахборотдан ақлли ва мақсадга йўналтирилган фойдаланишга боғлиқ, бу эса ўз навбатида, қабул қилинган қарорни тўғрилигига таъсир этади. Керакли ахборотнинг йўқлиги, ноаниқ, тўлиқ эмас ёки муаммога тааллуқли бўлмаган маълумотлардан фойдаланиш, шунингдек мақсадга йўналтирилмаган у ёки бу ахборотни қўллаш фирмани рақобатдош қобилиятига жиддий зарар келтириши мумкин.
Бугунги кунда янги ахборот технологияларидан бири бу мультимедиа технологияларидир. Мультимедиа технологиялари пайдо бўлиши билан туризм соҳасида тез қўлланила бошлади. Мультимедиа компьютерини асосий хусусияти, бу қўшимча қурилмаларни мавжудлиги (CD-ROM-жамғарувчилар, овозли карта, карнайлар, 30-тезлаштирувчи). Ҳозирги вақтда бозорда тақдим этилган компьютерлардан кўпчилиги мультимедиадир ва кўрсатилган қурилмалар стандарт комплектациясига киради. Мультимедиа технологияси овозли ва видеофайллар билан ишлаш имкониятини беради, бу эса туризм соҳасида компьютер техникасидан фойдаланишни янги йўналишларини очиб беради.
ХХ1 аср бошларида Ирландияда туризмнинг ривожланишига «Гулливер» тизими муҳим таъсир кўрсатди. 2011 йилда бу тизим орқали 18 млн. ирл. фунти ҳажмида 125 мингдан ортиқ бронлаштириш амалга оширилди, фойдаланувчиларнинг 2 млн. ортиқ саволларига жавоб берилди. Жаҳон саёҳатлар бозорида мамлакатнинг туристик маркасини мартабасининг ошиб бораётганлигида, дунёда энг кучли (яхши) деб тан олинган Ирландия дестинацияни бошқариш тизимининг аҳамияти чексиздир.
Бу каби тажрибаларни мамлакатимиз туризмида қўлланса, ривожланиш бундан ҳам тезлашиб, халқаро бозорга чиқишга кенг йўллар очилган бўларди. Бу мамлакатлар турмаҳсулотини жаҳондаги кўп сонли туристлар истеъмол қилиш ҳажми ортар эди.