Ilmiy rahbar: aytimbetov n. Bajardi: shukirlaev a

OLIY VA O’RTA MAXSUS TA’LIM VAZIRLIGI BERDAQ NOMIDAGI QORAQALPOQ DAVLAT UNIVERSITETI FIZIKA FAKULTETI 2-G FIZIKA GURUH TALABASI SHUKIRLAEV ALLAMBERGENNING FIZIKA O’QITISH METODIKASI FANIDAN FIZIKA TA’LIMIDA ILG’OR PEDAGOGIK TEXNALOGIYALARNI JORIY ETISH MAVZUSIDA YOZGAN
KURS ISHI



ILMIY RAHBAR: AYTIMBETOV N.
BAJARDI: SHUKIRLAEV A.
NUKUS_2022

MUNDARIJA

I. KIRISH 2
II. ASOSIY QISM 6
2.1 Ilg’or pedogogik texnologiyalarning mazmun mohiyati 6
2.2 Fizika talimida ilg’or pedogogik texnologiyalarning o’rni 11
2.3. Dinamika bo‘limini o‘qitishga doir ta’lim texnalogiyasi loyihasi 15
III. XULOSA 21
IV. FOYDALANILGAN ADABIYOTLAR 23

I. KIRISH

Respublikamiz mustaqillikka erishgach xalq ta’limi tizimida tub o'zgarishlar sodir bo'ldi: jamiyat taraqqiyotini yoshlarning hayot, ishlab chiqarish, milliy hamda umuminsoniy munosabatlarga sadoqati bilan o`lchash imkoniyatlari kengaydi; yoshlarning ta’lim-tarbiyasi bilan mashg'ul ijtimoiy institutlar son va sifat jihatidan o'sdi. Litsey, kollej, magistratura, universitetlar ko'paydi; Zamonaviy o'quv dasturlari, darsliklar, o`quv qollanmalari yaratildi; Davlat ta’lim standart (DTS)lari tanlanib, pedagogik amaliyotga tatbiq etila boshlandi; o'qituvchilarning bahs va mushohadalarida pedagogik texnologiyaga oid qarashlari munosib o'rin egalladi. Hozirgi sharoitda pedagogik texnologiya g`oyalarini maktab amaliyotiga olib kirish davlat buyurtmasi hisoblanadi. Bu haqda O'zbekiston Respublikasi Prezidenti I.A.Karimov shunday deb yozgan edi: «Yangi darsliklami, zamonaviy pedagogik va axborot texnologiyalarini o'z vaqtida ishlab chiqish va joriy etishni ta’minlashni alohida nazorat ostiga olish zarur». Istiqbolga yo'nalgan bu zalvorli vazifani hal etish an’anaviy ta’lim tizimini yaxshi ma’noda taftish qilishni, ta’lim jarayoni qobig'ida yashirinib yotgan imkoniyatlami izlab topish va ishga tushirishni, XXI asr maktab in ing tabiati va mohiyatiga, xalqimizning milliy mintalitetiga, o'quvchilarining real bilish imkoniyatlariga mos ta’lim tizimini asoslashni taqozo qiladi. Ilm fan axborotlarining hozirgi davr o`sish tezligi va hajmi ulami o`tgan 15-20-yildagi holatidan keskin farq qiladi. Shu bois talab zamonaviy talablarga ko'proq moslashgan shaxsga yo`naltirilgan texnologiyalarini yaratishni taqozo qiladi.
Fizika tabiiy fanlar orasida bilimlarni boshqaruvchi soha bo’lib qoldi. Fizik nazariyalar va fizik tekshirish usullari boshqa tabiat fanlari orasida borgan sari kira boshladi. Shu bilan birga fizika hozirgi zamon texnikasining nazariy, asosiy rolini o'ynay boshladi. Ko’p sohalar (elektrotexnika, radiotexnika, elektronika, yadro energetikasi va shu kabilar) fizik kashfiyotlar asosida paydo bo'ldi. Shu bilan birga fizikaning tabiatshunoslik sohasi sifatidagi ahamiyati va o'rni belgilanadi. Fizika asosini fundamental nazariyalar tabiat qonunlari, ilmiy tushunchalarni tashkil etgan fan hisoblanadi. Fizika mikroolam va kosmos, zaryadlangan zarrachalar va elektromagnit maydondan hamda shunga o'xshash xossalarga tegishli eksperimental dalillarga, hajmi jihatdan ko'p manba, faktlarga tayanadi. Fizikaning fan sifatidagi o’ziga xos xususiyatlari fizikaning o'quv predmeti sifatidagi muhim belgisi va xususiyatini ham aniqlaydi. O'qitishning maqsadlari fizika kursining tuzilishiga, uning tuzilish elementlarining o'zaro munosabatlariga va shu bilan birga o'quvchilarda shakllantiradigan fikrlash uslubiga muhim ta'sir ko'rsatish imkoniyatlari qaraladi. Shuningdek, fizika o'qitish uslublarining nazariy asoslari va fizikadan o'quv eksperimentlari turlari va uning vazifalari, fizikadan masalalar yechish uslublaridan iboratdir. Bu kurs nazariy va amaliy mashg'ulotlari tarzida amalga oshiriladi. Yangi asrda biz sifat jihatidan tamomila yangilangan jamiyatga, chuqur integratsiyalashgan iqsodiy makonga, yagona kommunikatsiya va axborot tizimiga kirgan holda kelajak sari shahdam qadamlar bilan bormoqdamiz. Bu anchagina tayyorgarlikni, bilimini , saviyani, iqtidorni talab qiladi. Bosayotgan qadamlarimiz qat’iyatli, ishonchli, zafarli bo’lishi uchun esa zamonaviy, bozor iqtisodi sharoitida ishlay oladigan, yetuk bilimdon, yuqori malakali kadrlar zarurdir
Respublikamizda rivojlangan mamlakatlar qatori jahon ta`lim tizimida yuqori samara berayotgan ilg`or ta`lim texnologiyalarni o`zlashtirish va amalda qo`llash jadal sur`atlar amalga oshirilmoqda.Buning yorqin misoli sifatida ”Ta`lim samaradorligini oshirishga hizmat qiladigan ta`lim metodlari va texnologiyalari”ni ishlab chiqilgani va uni amalda foydalanish uchun tavsiya qilinganini ko`rsatish mumkin.
Pedagogik texnologiyaning eng asosiy negizi – bu o`qituvchi – trener va talaba – o`quvchilarning belgilangan maqsaddan kafolatlangan natijaga hamkorlikda erishishlari uchun tanlangan texnologiyalarga bog`liq.
Pedagogik texnologoya ta`lim – tarbiyada ko`zlangan maqsadga erishish uchun o`quv jarayonida qo`llaniladigan usullar, vositalar majmuidir. Pedagogik tehnologiya eskimi yangimi qadimdan mavjud. Biroq jamiyat taraqqiy etgan sari maorif oldiga o`zining yangidan – yangi ijtimoiy buyurtmalarini qo`yib borganligi tufayli, ta`lim – tarbiya jarayoni ham zamonaviy ilg`or metodlar, usullar bilan boyib, yangilanib bormoqda.
Mavzuning dolzarbligi: Ta`lim texnologiyasining asosini ta`lim jarayonini va talim oluvchilarning belgilangan sharoit va vaqt ichida ko`zlangan maqsadga erishishlarini ta’minlash, kafolatlash hamda zamonaviy axborot komunikatsiya texnologiyalarini yanada joriy etishdir.
Mavzuning maqsadi: Ta`lim texnologiyasi – bu ta`lim jarayonida o`quv maqsadlariga kafolatli erishish uchun talabalar va pedagoglar o`zaro faoliyatining samarali tashkil etilish loyixasi ekanligini asoslash.
Mavzuning vazifasi: Kurs ishida o’qitishning an’anaviy usullari bilan bir qatorda fizikani o’qitishда fizika ta’lim texnologiyalaridan foydalanish davr talabi ekanligi asoslanadi va uning samaradorligi ko’rsatiladi.