Ilmiy rahbar: aytimbetov n. Bajardi: abdullayeva f

3-rasm. Nyuton tajribasi
Qorong’ilashtirilgan xonaning deraza pardasida cho’zinchoqroq A tirqish qilingan. Yig’uvchi L linza yordamida Nyuton xonaning qarama-qarshi devorida tirqishning tasvirini hosil qiladi. So’ng olim yorug’lik dastasi yo’liga uchburchak prizma o’rnatadi. Bu holda xonaning qarama-qarshi devorida rangi biridan ikkinchisiga uzluksiz o’tib boruvchi yettita rangli yo’l hosil bo’lganini ko’radi. Rangli tasvirla quyidagi tartibda joylashgan edi: qizil, zarg’aldoq, sariq, yashil, havorang, ko’k va binafsha. Agar yorug’likning prizmadan o’tishiga sinchiklab qralsa, prizmaning havo bilan har bir chegarasida quyosh yorug’ligi yettita asosiy rangga ajralishini ko’rish mumkin. Bunda havo shisha chegarasida qizil rangdagiyorug’lik eng kam sinishini, binafsha rangidagiyorug’lik esa eng ko’p sinishini ko’rish mumkin. Nyuton tajriba natijasiga ko’ra, Quyoshdan kelayotgan oq yorug’lik tarkibida yetti xil asosiy ranglar mavjud degan hulosaga keladi.
K
amalak qanday yuzaga keladi? Kamalakning qanday yuzaga kelishini tushunish uchun, kamalak quyoshli kunda, yo yomg’irdan oldin, yo yomg’ir yog’ayotgan vaqtda yoki undan keyin yuzaga kelishini esda saqlab qolishimiz lozim. Bundan shu hulosaga kelish mumkin-ki, kamalak havodagi suv tomchilari bilan bog’liq. Keyingi sababi yorug’lik ikki muhit chegarasidan o’tayotib, bir vaqtning o’zida ham qaytishini, ham sinishini va tarkibiy qismlarga ajralish hisoblanadi. Quyosh yorug’lik bilan yoritilgan yomg’ir tomchisi misolida ko’ramiz. Yomg’ir tomchisini shar shaklida deb faraz qilamiz. Havo tomchilari chegarasida yorug’likning bir qismi qaytadi, boshqa qismi sinib, tomchi ichiga kiradi. Shar sirtiga o’tkazilgan tik chiziq uning radiusi bo’ylab yo’naladi. Yorug’lik nuri tomchi ichiga kirganda sinadi, sinish burchagi tushish burchagidan kichik bo’ladi. Bundan tashqari qizil rangdagi yorug’lik binafsha rangdagi yorug’likka nisbatan kamroq sinadi 4-rasm.
4-rasm.
Birinchi havo tomchi chegarasida yorug’lik qaytish qonuniga muvofiq ravishda qaytadi. Tushish burchagi qaytish burchagiga teng bo’ladi.
Tomchi havo chegarasida yorug’lik tomchidan chiqadi, bu holda sinish burchagi tushish burchagidan katta bo’ladi. Kuzatuvchining ko’ziga yorug’lik tarkibiy qismlarga ajralgan holda yetib keladi.