Илмий тадқиқот асослари: 1000 саволга 1000 жавоб тошкент–2019

114 - САВОЛ: АКАДЕМИЯ – БУ ҚАНДАЙ ЖОЙ? 
ЖАВОБ: Академия юнонча сўз бўлиб, у “Академос” – аф-
сонавий қаҳрамон Академ номидан олинган. Академия кўпгина 
илмий муассаса, жамоат ташкилотлари ва ўқув юртларининг номи. 
Академия – илмий кадрлар тайёрлашнинг аниқ соҳалари 
бўйича олий ва олий ўқув юртидан кейинги таълим дастурини 
амалга оширади. 
КЎРСАТМА: Илмий-назарий (методологик) тадқиқотларни 
олиб боришда уларнинг натижаларини тадқиқот объектига 
адекватлигини текшириб бориш керак.
115 - САВОЛ: АКАДЕМИК – БУ КИМ? 
ЖАВОБ: Академик – бу юксак илмий унвонга эга бўлган 
киши.
Ўзбекистон Республикасида Ўзбекистон Республикаси Фан-
лар академиясида академиклар сайланади. Академиклик унвони 
Ўзбекистон Республикаси Академияси ва бошқа илмий ҳамда ўқув 
муассасаларининг олим ва ижодкорларига, шунингдек, айрим 
шахсларга берилади. 
Ўзбекистон Республикаси Фанлар Академиясида акаде-
микликка илм-фанни жаҳон андозалари талаблари даражасида 
юксак илмий аҳамиятга эга бўлган илмий ишлар билан бойитган, 
илмий жамоатчилик томонидан тан олинган мактаб яратган, 
илмий ютуқлари мамлакатнинг интеллектуал ва иқтисодий 
салоҳиятини ривожлантириш ва кучайтиришга жавоб берадиган, 

---

93 
Ўзбекистон Республикаси фуқароси бўлган фан докторлари 
сайланади. 
Фанлар Академияси академиги илмий тадқиқотларда фаол 
иштирок этади; тадқиқотларнинг истиқболли ва илғор йўна-
лишларини шакллантиради ва фаннинг ўзи сайланган соҳасининг 
юксак илмий даражаси учун масъулдир; юқори малакали илмий 
кадрлар ва мутахассислар тайёрлаш ишларида, илғор илмий 
мактабларни шакллантириш ва ривожлантиришда бевосита 
иштирок этади; илмий тадқиқотларни амалга оширишда юқори 
малакали илмий кадрлар тайёрлашда шахсан эришган ютуқлари, 
илмий асарларини ўз ичига олган илмий ва илмий-ташкилотчилик 
фаолияти ҳақидаги йиллик ҳисоботни ҳамда ўзи сайланган фан 
соҳасини ривожлантиришга оид таклиф ва тавсияларни ҳар йили 
Фанлар Академиясига тақдим этади; Фанлар Академияси ҳайъати 
Фанлар Академияси Президенти, вице-президентлари ва Бош 
илмий 
котибнинг 
топшириқларини 
бажаради; 
Фанлар 
Академиясининг умумий масаласи ишида фаол қатнашади. 
Академиклар Фанлар Академияси илмий муассасаларида ил-
мий тадқиқот ишларини бошқариш, Фанлар Академияси илмий 
муассасаларида танловдан ўтиб илмий лавозимларни эгаллаш, 
ўзининг илмий асарларини нашр этиш, Фанлар Академияси 
умумий мажлиси ва ҳайъатида кўриб чиқиш учун илмий ва илмий-
ташкилий масалаларни киритиш ва уларнинг муҳокамасида 
иштирок этиш, белгиланган тартибда академикликка номзодлар 
кўрсатиш, вице-президентлар ҳузуридаги илмий Кенгашлар 
фаолиятида улар фаннинг қайси йўналишига тааллуқли 
эканлигидан қатъи назар, иштирок этиш, вице-президентлар 
ҳузурида илм-фаннинг долзарб йўналишлари бўйича муайян 
илмий Кенгашлар тузиш ҳақида таклифлар киритиш ҳуқуқига 
эгадирлар. 
КЎРСАТМА: 1. Ижодий фаолият юритишда интеллектуал 
салоҳиятли инсонлар фаолиятининг маҳсулларидан ва илмий 
мактаблар ютуқларидан фойдаланишни доимо эътиборга олиш 
керак. 
2. Ижодий фаолиятда ижодий жамоа тузиш истиқболли ва 
ҳайрли. Бунга илмий фаолиятингиз йўналишларида доимо 
эътиборда бўлинг. 

---

94 
3. Ижодий фаолиятингизни замонавий йўналишлар асосида 
олиб боришга доимо ҳаракатда бўлинг.