Илмий тадқиқот асослари: 1000 саволга 1000 жавоб тошкент–2019

106 - САВОЛ: 
ЎҚИТИШНИНГ “ЁПИҚ КИТОБ” УСУЛИ 
НИМАЛАРНИ ЭСЛАБ ҚОЛИШНИ ТАЛАБ 
ЭТАДИ? 
ЖАВОБ: Ўқитишнинг “Ёпиқ китоб” усули – таълим олувчи-
лардан муайян фан бўйича қонун-қоидалар, мезонлар, тамо-
йиллар, доимийликлар ва шу кабиларни эслаб қолишни талаб 
этадиган усул. Бу усул бошқа усуллар билан уйғунликда бўлишни 
ва таълим олувчиларни ўқитишда фақат “қайта баён этиш” билан 
чегараланмасликларини талаб этади. 

---

84 
КЎРСАТМА: Илмий тадқиқот иши бўйича методологик 
асосларини тайёрлашда тадқиқот объекти бўйича маълумотларни 
тўплаб, уларни тизимлаштириб тадқиқот мақсадига мос қилиб 
ахборот кўринишига келтириб қўйиш керак. 
107 - САВОЛ: ЎҚУВ ДАСТУРИ – БУ ҚАНДАЙ ҲУЖЖАТ? 
ЖАВОБ: Ўқув дастури – бу давлат ҳужжати ҳисобланиб, у 
бўлажак мутахассис шахсига қўйилган талабларга мос ҳолда 
таълим мазмунини ва уни таълим олувчилар томонидан 
ўзлаштиришни ташкил этиш усулларини ўзида акс эттиради. 
Ўқув дастурида умуминсоний тажриба, шунингдек, таълим ва 
тарбия тажрибаси маълум кўринишда ёки шаклда сақланади. Бу 
тажриба бўлажак мутахассис ўзлаштириши керак бўлган турли 
хил ахборотлар ва бу тажриба ўқитиш жараёнида қандай 
узатилиши кераклиги тўғрисидаги маълумотлардан иборат 
бўлади. 
Ўқув дастури – бўлажак мутахассис шахси талабларига 
мувофиқ таълим мазмуни ва уни таълим олувчилар томонидан 
ўзлаштиришнинг мақсадига мувофиқ келувчи, хусусан ташкил 
этиш йўллари аниқланган ҳужжат ҳисобланиб, учта асосий 
таркибдан иборат бўлиб, унда таълим мақсадлари, таълим 
жараёнининг 
мазмуни, 
шунингдек, 
ўқув 
соатларининг 
тавсимланиши белгиланади. 
КЎРСАТМА: Ижодий фаолиятда ҳам давлат ҳужжатларини 
қаралаётган соҳанинг ривожланишида фойдаланиладиган ёки 
фойдаланиши мўлжалланган илмий-методологик асослар деб 
қараш керак ва унда илм-фан ҳамда техника-технологиялар 
ютуқларини доимо эътиборга олиб бориш керак.