Илмий тадқиқот асослари: 1000 саволга 1000 жавоб тошкент–2019

 
242 - САВОЛ: 
КЎРСАТМАЛИ МАЪРУЗА – БУ ҚАНДАЙ 
МАЪРУЗА? 
ЖАВОБ: Кўрсатмали маъруза – бу намойишли маъруза – бу 
дарсни ўқитувчи томонидан дидактиканинг кўргазмали тамойили 
талабларига жавоб берган ҳолда ташкил этилади. 
КЎРСАТМА: Ҳар қандай дарсни ҳам кўргазмалилик тамойили 
асосида олиб борган маъқул. Бу ҳақда “Суръатни синфга олиб 
кирсанг сақов ҳам тилга киради” деган нақл ҳам бор-ку. 
 
243 - САВОЛ: 
ЛАБОРАТОРИЯ ВА АМАЛИЙ МАШҒУ-
ЛОТЛАР РЕЖАСИ НИМАЛАРНИ ЎЗ 
ИЧИГА ОЛАДИ? 
ЖАВОБ: Лаборатория ва амалий машғулотлар режаси – 
касбий таълим мазмунини таълим олувчилар томонидан таж-
рибалар ва амалий ишни бажариш ҳамда ўрганишнинг кўр-
сатмаларини ифодаловчи ўқитувчининг ҳужжати ҳисобланади ва 
унда машғулот мавзуси, ишнинг мақсади, ишга ажратилган вақт, 

---

179 
машғулот мавзусининг мазмуни, машғулот бўйича адабиётлар 
рўйхати ўз ифодасини топади. 
КЎРСАТМА: Лаборатория ва амалий машғулотларда таълим 
олувчилар таълим берувчи раҳбарлигида олдиндан белгиланган 
режа асосида тажрибалар ўтказиш ёки амалий вазифаларни 
бажаришни илмий асосда бажаришга ҳаракат қилиш керак. Бу 
орқали ушбу жараёнда янги билимлар янада янгиланади. 
 
244 - САВОЛ: 
ЛАБОРАТОРИЯ УСУЛИ – БУ ҚАНДАЙ 
УСУЛ? 
ЖАВОБ: Лаборатория усули – бу шундай таълим усулики, 
унда таълим олувчи таълим берувчи раҳбарлигида олдиндан 
белгиланган режа асосида тажрибалар ўтказади ёки амалий 
вазифаларни бажаради, шу жараёнда янги билимни янгилайди ва 
тушуниб етади. 
КЎРСАТМА: Лаборатория усулини қўллашда, энг аввало, 
унинг асосий мақсадини аниқлаб олиш керак. Бу мақсаднинг 
асосини ўргатиш ва ривожлантириш ташкил этади, чунки бу усул 
орқали таълим олувчилар қуйидаги имкониятлар билан 
таъминланади: 

асбоб-ускуналардан фойдаланиш кўникма ва малакаларни 
эгаллаш; 

мустақил тадқиқотнинг янги йўлларини танлаш ва маълум 
бўлганларини текшириш; 

амалий малакаларни эгаллаш, ўлчаш ва ҳисоблаш, натижа-
ларни қайта ишлаш ва илгари олинганлари билан таққослаш.