Илмий кенгаш тошкент вилояти чирчиқ давлат педагогика институти

Илмий раҳбар: Исмадияров Яшин Уткирович
педагогика фанлари доктори, доцент
Расмий оппонентлар:


Етакчи ташкилот:
Диссертация ҳимояси Тошкент вилояти Чирчиқ давлат педагогика институти ҳузуридаги илмий даражалар берувчи DSc.03/30.04.2021.Ped.82.03 рақамли илмий кенгашнинг 2022 йил «___»_____куни соат_____даги мажлисида бўлиб ўтади. (Манзил: 111720, Тошкент вилояти, Чирчиқ шаҳри, Амир Темур кўчаси, 104-уй). Тел.: [phone]; факс: [phone]; e-mail: [e-mail].).
Диссертация билан Тошкент вилояти Чирчиқ давлат педагогика институтининг Ахборот-ресурс марказида танишиш мумкин. (____рақами билан рўйхатга олинган). Манзил: 111720, Тошкент вилояти, Чирчиқ шаҳри, Амир Темур кўчаси, 104-уй. Тел.: [phone]; факс: [phone].

Диссертация автореферати 2022 йил «____»______куни тарқатилди.

(2022 йил «____»_______даги_________рақамли реестр баённомаси)

	Ш.Қ.Мардонов илмий даражалар берувчи илмий кенгаш раиси, п.ф.д., профессор
	Ф.У.Қодирова илмий даражалар берувчи илмий кенгаш илмий котиби, п.ф.д., (Dsс)
	У.Н.Ходжамқулов илмий даражалар берувчи илмий кенгаш қошидаги илмий семинар раиси, п.ф.д. (Dsс), доцент

КИРИШ (докторлик диссертацияси аннотацияси)
Диссертация мавзусининг долзарблиги ва зарурати. Жаҳонда таълим соҳасидаги ривожланиш тенденциялари бўлажак ўқитувчилар касбий компетентлиги, мантиқий-мустақиллик, фаол-ижодий фикрлаш қобилиятини таркиб топтириш ва индивидуал касбий шакллантириш даражасини оширишга эътибор қаратилмоқда. Таълим сифати бўйича “Европа Кенгаши мамлактларининг таълим ва кадрлар тайёрлаш соҳасидаги Ҳамкорлик стратегияси” материалларига кўра бўлажак ўқитувчилар шахси ва компетентлигини компетенциявий ва акмеологик ёндашувлар
асосида узлуксиз ривожлантириш борасидаги илмий тадқиқотлар долзарб
аҳамият касб этмоқда. Илмий тадқиқот муассасалари ва олий таълим даргоҳларида шахсни ривожлантириш, бўлажак мутахассисларни касбий фаолиятга тайёрлаш технологияларини ривожлантириш, касбий етукликка эришиш жараёнини такомиллаштириш бўйича илмий тадқиқотлар олиб борилмоқда.
Дунёнинг етакчи илмий марказлари ва олимлари томонидан бўлажак ўқитувчиларда компетентликни шакллантиришнинг илмий-назарий асосларини яратиш ва уни амалга ошириш механизмларини ишлаб чиқиш, бўлажак педагогларни аутопедагогик компетентлик асосида касбий ривожлантириш, таълимда фанлараро интеграцияни таъминлаш, замонавий педагогик ёндашувларни амалиётга татбиқ этиш орқали илмий-педагогик асослар ва моделларни ишлаб чиқиш заруратини юзага келтирмоқда.
Республикамизда ўқитувчиларни касбий фаолиятга тайёрлашни методик жиҳатдан такомиллаштириш, рақобатбардош мутахассислар тайёрлаш, бўлажак ўқитувчиларнинг аутопедагогик компетентлигини шакллантириш, илмий-касбий дунёқарашини ривожлантириш бўйича илмий-тадқиқот ишлари олиб бориш муҳим аҳамиятга эга. Шу жиҳатдан, бўлажак ўқитувчиларни технологик таълим ўқитиш методикасидан касбий лойиҳалаштириш фаолиятига тайёрлаш, ўқув фаолияти самарадорлигини ошириш, дидактик тамойиллар, методикасини такомиллаштириш ҳамда илғор хорижий тажрибаларни олий таълимга татбиқ этиш тадқиқот мавзусининг долзарблигини белгилайди.
Ҳозирда кадрлар тайёрлаш жараёнида касбий компетентликка асосланган таълим-тарбия тизимини такомиллаштириш, унинг миллий заминини мустаҳкамлаш, ижтимоий фаол ва малакали, рақобатбардош кадрлар тайёрлашни жаҳон андозалари даражасига кўтариш масалаларига оид тадқиқот ишлари олиб борилмоқда. Бугунги кунда технологик таълим йўналишида бўлажак технологик таълим фани ўқитувчиларни касбий фаолиятга тайёрлашни аутопедагогик компетентликни шакллантириш орқали такомиллаштириш, ўқитиш сифати ва самарадорлигини кўтариш, халқаро стандартларга мослаштириш, табиий-илмий саводхонликни орттириш, таълим-тарбия тизимини такомиллаштириш алоҳида аҳамият касб этади.
Ўзбекистон Республикасининг Президентининг “Ўзбекистон
Республикаси Олий таълим тизимини 2030 йилгача ривожлантириш
концепциясини тасдиқлаш тўғрисида”ги ПФ-5847-сон, 2020 йил 29
октябрдаги “Илм-фанни 2030 йилгача ривожлантириш концепциясини
тасдиқлаш тўғрисида”ги ПФ-6097-сон фармонлари, 2017 йил 20 апрелдаги
“Олий таълим тизимини янада ривожлантириш чора-тадбирлари
тўғрисида”ги ПҚ-2909-сон, 2018 йил 5 июндаги “Олий таълим муассаларида таълим сифатини ошириш ва уларнинг мамлакатда амалга оширилаётган кенг қамровли ислоҳотларда фаол иштирокини таъминлаш бўйича қўшимча чора-тадбирлар тўғрисида”ги ПҚ-3775-сон, 2020 йил 27 февралдаги “Педагогик таълим соҳасини янада такомиллаштириш чора-тадбирлари тўғрисида”ги ПҚ-4623-сон Қарорлари ҳамда мазкур соҳага тааллуқли бошқа меъёрий-ҳуқуқий ҳужжатларда белгиланган вазифаларни амалга оширишда мазкур диссертация тадқиқоти муайян даражада хизмат қилади.