―ilm-fan va ta‘limda innovatsion yondashuvlar, muammolar, taklif va yechimlar‖ mavzusidagi

 ―ILM-FAN VA TA‘LIMDA INNOVATSION YONDASHUVLAR, MUAMMOLAR, TAKLIF VA YECHIMLAR‖ MAVZUSIDAGI
4-SONLI RESPUBLIKA ILMIY-ONLAYN KONFERENSIYASI
 
 
30 - SENTABR 2020 - YIL 
―UzACADEMIA‖ scientific-methodical journal
 
 
 
 
 
 
254 
www.academiascience.uz
nashidasini tatiymiz.Negaki, inson umri daraxtga qiyoslanadi. Daraxt taqir yerda 
unmaydi, shoxlari kesib parvarishlanmasa, nobop bo`lib qoladi. Inson umri ham 
shunday. Yoshlikda yo`l qo`yilgan xatosi, bosgan nojo`ya qadami, bilib – bilmay 
qilgan gunohi yoshi ulg`ayganida ―achchiq‖ mevasini berishi hech gapmas. Shuning 
uchun biz ―dehqonlar‖, yerni to`g`ri tanlab, niholni avaylab parvarishlaylik. 
Oilada farzand tarbiyasi haqida gap ketganda, ko`pni ko`rgan kishilar 
xonadoningizda keksalar bormi, deya so`rashadi. Ijobiy javob olishgach, ―Siz baxtli 
inson ekansiz,‖- deya e`tirof etishadi. Zeroki, dunyo tashvishlaridan to`yib ketsangiz, 
shularni ziyorat qiling: hayot abadiy emasligini o`ylab taskin topasiz. Bu taskindan 
so`ng serzarda qiyofangizga muloyimlik yuguradi. Aytaylik, farzandingiz ular bilan 
bir uyda ulg`aysa ortiqcha muammo sizni bezovta qilmaydi. Negaki, ular har bir 
masalani obdon o`ylab, hayotiy tajribalari asosida mushohada etib hal qiladilar. 
Ularning falsafasi: bu dunyoda ham, u dunyoda ham hech kimga bo`yso`nmaydigan, 
oqni – oqqa, qorani qoraga bexato ajratadigan Oliy hakam bor. Bu – Tangrining 
hukmi! 
Bugungi yoshlarimizga razm solamiz. Ular boshqacha fikrlaydigan kishilar 
bo'lib o'smoqdalar. Biz kelajakda har bir insonning xonadoni obod va farovon 
bo'lishini, har bir kishi o'z ishi, umridan rozi bo'lib yashashini istaymiz. Yurtimizda 
chin ma`noda ishbilarmonlik, aqliy salohiyat kuchini ko'rsatishini,taraqqiyot inson 
qo'li bilan bo`lar ekan, jamiyat sog'lomligi taraqqiyot kafolati ekan, mehr- oqibat, 
muruvvat va saxovatning ko'proq qalblardan joy olishini, «Mening yaxshi yashashim 
boshqalarning ham yaxshi yashashiga xalaqit bermasin, aksincha, yordam bersin» 
degan tamoyilning tantana qilishini, dunyo xalqlari o'zbeklarni ko'rganda: «Bulardan 
ko'ra ahil xalq yo'q!» degan bahoni berishini, ishimizga, yashashimizga xalaqit 
berayotgan hasad, hirs, ko'ra olmaslik illatlarining tobora kamayib borishini 
xohlaymiz.. 
Tangri shunday jannatmakon, boy va betakror maskanni bizga hadya etgan ekan, 
yurtimiz ravnaqi va hayotimiz farovonligi yo`lida mardonavor tura oladigan aqli va 
vujudu sog`lom avlodni tarbiyalashdek oldimizda turgan muhim vazifani sidqidildan 
ado etaylik. 

---