Ildiz mevali ozuqalarni gigiyenik baholash. Darsning maqsadi

Ildiz mevali ozuqalarni gigiyenik baholash.


Darsning maqsadi: Ildiz mevali ozuqalarni orgonoleptik va laboratoriya usuli bilan baholashni o‘rganish.
Darsga kerakli ko‘rgazmali qurollar, asboblar va reaktivlar. ildiz mevali ozuqalar, sentrifuga, mikroskop, sim tur, qog‘oz filtr, yopqich oyna, shpatel, shisha buyum oynasi, 48% li ammoniy natriy kislotasi, 80 – 90% li sirka kislotasi, konsentrlangan sulfat kislota, 5% li vodorod pyeroksid, difenilamin kristali, distillangan suv.
Darsning mazmuni:ildiz mevali ozuqalarni sifati orgonoleptik va laboratoriya usulida aniqlanadi.
O‘rtacha namuna olish - Ozuqa saqlanayotgan joydan har xil qalinlikdan hammasi bo‘lib 60 kg olinib, ularni og‘irligiga qarab uch bo‘lakga: kattalari, o‘rtalari va maydasiga ajratiladi. Uchchala guruhdan teng miqdordan umuman ildiz mevali ozuqadan 6 kg olinib analizga jo‘natiladi.
Ildiz mevali ozuqalardagi gelmintlar tuxumini tekshirish.Tekshiriladigan ozuqaning ildiz kurtakchalaridan bir nechasi olinib, suvli idishga soladi. 1-2 soat o‘tgandan keyin keyin ildizlar olinib yana ustidan toza suv quyib yuviladi. Ildizlar yuvilgandan keyin Shu sim turdan o‘tkazilib, qog‘oz filtr orqali filtrlanadi. Sim turda tuproqning hamma katta bo‘laklari, qog‘oz filtrda esa mayda bo‘laklari va gelmintlarining tuxumlari qoladi. Filtrlash tugaganidan keyin qog‘oz filtr olinib Petri kosachasiga quyilgan osh tuzining to‘yingan eritmasiga solinadi. Yopqich oyna bilan filtr qog‘ozda ushlab qolingan hamma narsalar sidirib olinadi. Navbatdagi eritma sentrifuga probirkalariga yoki stakanga qo‘yilib, Yaxshilab aralashtiriladi. Suzib yurgan o‘simlik qoldiqlari shpatel yordamida olib tashlanadi va aralashma 1 soat davomida tindiriladi. Suyuqlik ustida hosil bo‘lgan pardani olib, mikroskop ostida qaraladi. Agar suyuqlik oz bo‘lsa, probirkaga qo‘yilib, sentrifugada 2 - 3 minut davomida aylanadi. Hosil bo‘lgan parda diametri 1 smdan katta bo‘lmagan ilmoq bilan olinib, shisha buyum oynasi ustiga qo‘yiladi. Pardadan tashqari tagiga cho‘kkan cho‘kmadan ham gelmintlarning tuxumini izlash kerak.