Икки эшик ораси: роман. Ўткир Ҳошимов

ҚИРҚ ИККИНЧИ БОБ
 
 
РАЪНО ҲИКОЯСИ
Туш
Аллақандай кенг дала эмиш... ўтлоқми-ей, буғ-
дойзорми-ей... Музаффар қип-яланғоч бўлиб, дала 
ўртасида чопиб кетаётганмиш. Кап-катта йигит 
қип-яланғоч. Ўғлим бир нимадан қўрқиб, қочиб 
кетаётганини билармишману олдига боришга уя-
лармишман. Кейин, аллақаердан от пайдо бўпти. 
Гижинглаб келиб Музаффарни тишлабди. Музаф-

---

694
фар чақалоққа айланиб қолибди. Ўзи чақалоқми-
шу гапирармиш «Отни ҳайданг, ўлдириб қўяди, 
қутурган от», дермиш...
Қизиқ, нимага бунақа туш кўрдим? Музаф-
фар Нимага яланғоч юрибди? Тушга яланғоч 
кирса ёмон: фалокат бўлади. Шошма... Анави 
от Умар аканинг жийрони-ку! Музаффарга бир 
гап бўлдими? Нимага яланғоч юрибди? Бугун не-
чанчи ўзи? Йигирма тўртинчи апрелми? Икки 
ҳафтадан кейин Музаффарнинг туғилган куни. 
Йигирмага тўлади. Аввалги телеграммаларимни 
олганмикин? Олган. Табриклаб ёзган хатларим-
ни ҳам... Жавоб ёзмади. Тўғрида! Нега жавоб 
қилсин. Уч йил аввал қишда келганида манави 
имонсизнинг кўрсатган каромати учунми?
Мунча ачишади бу юрак ўлгур! Валидол қа-
ёқда эди? Шимсам, сал қўйиб юборармиди? Чи-
роқ ёқсам, ҳозир тўнғиллайди. «Эркалик қилиб, 
уйқумни буздинг», дейди, Насибани уйғотсам-
ми? Уям бобиллайди. «Бирам эркасиз-ей», деб 
жеркиб беради.
Керакмас! Ичмайман. Валидолиям, валокар-
диниям жонга тегди. Умуман, ҳаммаси, ҳамма-
си жонимга тегиб кетди. Музаффар соғмикин 
ишқилиб? Нимага яланғоч юрибди. Тағин нима 
кулфат тушдийкин бошига?
Ўзаман, ҳозироқ хат ёзаман. Соғман, бу дунёда 
борман деб бир энлик жавоб юборса бас. Нимага 
бунақа туш кўрдим? Ёмон туш, хосиятсиз туш... 
Палакатим ўзимга урсин. Ўғлим тинч бўлса бас...

---

695
ҚИРҚ УЧИНЧИ БОБ